Page Text
________________
नवमं सतं (तेतीसइमो उद्देसो)
४४६ हट्टतुट्टे करयल परिग्गहियं दसनहं सिरसावत्तं मत्थए अंजलि कट्ट° एवं सामी ! तहताणाए विणएणं वयणं पडिसुणेइ, पडिसुणेत्ता सुरभिणा गंधोदएणं हत्थपादे पक्खालेइ, पक्खालेत्ता सुद्धाए अट्ठपडलाए पोत्तीए मुहं बंधइ, बंधित्ता जमालिस्स खत्तियकुमारस्स परेणं जत्तेणं चउरंगुल वज्जे निक्खमणपाप्रोग्गे
अग्गकेसे कप्पेइ ।। १८६. तए णं सा जमालिस्स खत्तियकुमारस्स माया हंसलक्खणेणं पडसाडएणं
अग्गकेसे पडिच्छइ, पडिच्छित्ता सुरभिणा गंधोदएणं पक्खालेइ, पक्खालेत्ता अग्गेहिं वरेहिं गंधेहि मल्लेहिं अच्चेति, अच्चेत्ता 'सुद्धे वत्थे बंधइ, बंधित्ता रयणकरंडगंसि पक्खिवति, पक्खिवित्ता हार-वारिधार-सिंदुवार-छिण्णमुत्तावलिप्पगासाइं सुयवियोगदूसहाई अंसूइं विणिम्मुयमाणी-विणिम्मुयमाणी एवं वयासी-एस णं अम्हं जमालिस्स खत्तियकुमारस्स बहूसु तिहीसु य पव्वणीसु य उस्सवेसु य जण्णेसु य छणेसु य अपच्छिमे दरिसणे भविस्सतीति कटु ऊसीसगमूले टवेति ॥ तए णं तस्स जमालिस्स खत्तियकुमारस्स अम्मापियरो दोच्चं पि उत्तरावक्कमणं सीहासणं रयाति, रयावेत्ता जमालिस्स खत्तियकुमारस्स सेया-पीयएहिं कलसेहि बहावति, पहावेत्ता पम्हलसुकुमालाए सुरभीए गंधकासाईए गायाई ल हेंति, लहेत्ता सरसेणं गोसीसचंदणेणं गायाई अणुलिपंति, अणुलिपित्ता नासानिस्सासवायवोझ चक्खुहरं वण्ण-फरिसजुत्तं हयलालापेलवातिरेगं धवलं कणगखचितंतकम्मं महरिहं हंसलक्खणपडसाडगं परिहिति, परिहित्ता हारं पिणद्धेति', पिणद्वेता अद्धहारं पिणद्धेति', पिणद्धत्ता एगावलि पिणद्धेति, पिणवेत्ता मुत्तावलि पिणद्वेति, पिणद्धत्ता रयणावलि पिणद्धति, पिणद्धत्ता एवं-अंगयाइं केयूराइं कडगाइं तुडियाइं कडिसुत्तगं दसमुद्दाणंतगं विकच्छसुत्तगं. मुरवि कंठमुरवि पालवं कंडलाइं चूडामणि १० चित्तं रयणसंकडुक्कडं मउडं पिणद्धति, किं बहुणा ? गंथिम-वेढिम-पूरिम-संघातिमेणं चउव्विहेणं मल्लेणं
कप्परुक्खगं पिव अलंकिय-विभूसियं करेंति ॥ १. सं० पा०--करयल जाव एवं ।
६. सं० पा०-एवं जहा सूरियाभस्स अलंकारो २. चउप्फलाए (ना० १११।१२५) ।
तहेव जाव चित्तं । ३. सुद्धवत्थेणं (अ, स)।
१०. वच्छसुत्तं (भ० वृ०); वेकच्छसुत्तं (वृपा)। ४. ° दूसहसहाइं (क, ब, म)।
११. वाचनान्तरे त्वयमलंकारवर्णक: साक्षाल्लि५. सीया (अ, ब, म, स)।
खित एव दृश्यते (वृ)। ६. ° संजुत्तं (अ)।
१२. वाचनान्तरे पुनरिदमधिकं 'दद्दरमलयसुगंधि७. पिणिहति (ता, ब)।
गंधिएहिं गायाई भुकुंडेंति' त्ति दृश्यते (वृ) । ८. पिणहेति (ब)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |