Page Text
________________
नवमं सतं (तेत्तीसइमो उद्देसो)
४४७ अब्भणुण्णाए समाणे समणस्स भगवनो महावीरस्स' अंतियं मुंडे भवित्ता
अगाराम्रो अणगारियं° पब्वइत्तए । १७९. तए णं तं जमालि खत्तियकुमारं अम्मापियरो जाहे नो संचाएंति विसयाणुलो
माहि य, विसयपडिकलाहि य बहहिं आघवणाहि य पण्णवणाहि य सण्णवणाहि य विण्णवणाहि य आघवेत्तए वा' 'पण्णवेत्तए वा सण्णवेत्तए वा विण्णवेत्तए वा, ताहे अकामाइं चेव जमालिस्स खत्तियकुमारस्स निक्खमणं अणु
मण्णित्था ।। १८०. तए णं तस्स जमालिस्स खत्तियकुमारस्स पिया कोडुंबियपुरिसे सद्दावेइ, सद्दा
वेत्ता एवं वयासी-खिप्पामेव भो देवाणु प्पिया ! खत्तियकुंडग्गामं नयरं सभितरबाहिरियं आसिय-सम्मज्जियोवलित्तं जहा अोववाइए जाव' सुगंधवरगंधगंधियं गंधवट्टिभूयं करेह य कारवेह य, करेत्ता य कारवेत्ता य एयमाणत्तियं
पच्चप्पिणह । ते वि तहेव पच्चप्पिणंति ।। १८१. तए णं से जमालिस्स खत्तियकुमारस्स पिया दोच्चं पि कोडुंबियपुरिसे सद्दावेइ,
सद्दावेत्ता एवं वयासी-खिप्पामेव भो देवाणुप्पिया ! जमालिस्स खत्तियकुमारस्स महत्थं महग्धं महरिहं विपुलं निक्खमणाभिसेयं उवट्ठवेह । तए णं ते
कोडुंबियपुरिसा तहेव जाव उवट्ठति ॥ १८२. तए णं तं जमालि खत्तियकुमारं अम्मापियरो सीहासणवरंसि पुरत्थाभिमुहं
निसीयाति, निसीयावेत्ता अट्ठसएणं सोवणियाणं कलसाणं, ''अट्ठसएणं रुप्पमयाणं कलसाणं, अट्ठसएणं मणिमयाणं कलसाणं, अट्ठसएणं सुवण्णरुप्पामयाणं कलसाणं, अट्ठसएणं सुवण्णमणिमयाणं कलसाणं, अट्ठसएणं रुप्पमणिमयाणं कलसाणं, अट्ठसएणं सुवण्णरुप्पमणिमयाणं कलसाणं°, अट्ठसएणं भोमेज्जाणं कलसाणं सव्विड्ढीए सव्वजुतीए सव्वबलेणं सव्वसमुदएण सव्वादरेणं सव्वविभूईए सव्वविभूसाए सव्वसंभमेणं सव्वपुप्फगंधमल्लालंकारेणं सव्वतुडियसद्द-सण्णिणाएणं महया इड्ढीए महया जुईए महया बलेणं महया समुदएणं महया वरतुडिय-जमगसमग-प्पवाइएणं संख-पणव-पडह-भेरि-झल्लरि-खरमुहिहडक्क-मरय-मुइंग-दंदुहि-णिग्घोसणाइय° रवेणं महया-महया निक्खमणाभिसेगेणं अभिसिंचंति, अभिसिंचित्ता करयल परिग्गहियं दसनहं सिरसावत्तं
१. सं० पा०-महावीरस्स जाव पव्वइत्तए । २. सं० पा०-वा जाव विण्णवेत्तए। ३. ओ० सू० ५५। ४. पच्चप्पिणंति (अ, क, ता, ब, म, स);
नायाधम्मकहाओ (१।१।११६, ११७) सूत्रा- नुसारेण एतत्पदं स्वीकृतम् । 'पच्चप्पिणति'
इति पदं अत्र नावश्यक प्रतिभाति ।। ५. सं० पा०--एवं जहा रायप्पसेरणइज्जे जाव
अठ्ठसएणं । ६. सं० पा०-सविड्ढीए जाव रवेणं । ७. सं० पा०-~-करयल जाव जएणं।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |