Page Text
________________
१७५
नवमं सतं (तेत्तीसइमो उद्देसो)
४४५ अणंतसंसारवद्धणा, कडुगफलविवागा चुडल्लिव अमुच्चमाण', दुक्खाणुबंधिणो, सिद्धिगमणविग्घा । से केस णं जाणइ अम्मतायो ! के पुवि गमणयाए ? के पच्छा गमणयाए ? तं इच्छामि णं अम्मतानो ! 'तुब्भेहि अब्भणुण्णाए समाणे समणस्स भगवो महावीरस्स अंतियं मुंडे भवित्ता अगाराओ अणगारियं° पव्वइत्तए । तए णं तं जमालि खत्तियकुमारं अम्मापियरो एवं वयासी-इमे य ते जाया ! अज्जय-पज्जय-पिउपज्जयागए सुबहू हिरण्णे य', सुवण्णे य, कंसे य, दूसे य, विउलधण-कणग- रयण-मणि-मोत्तिय-संख-सिल-प्पवाल रत्तरयण - संतसारसावएज्जे, अलाहि जाव अासत्तमायो कुलवंसानो पकामं दाउ, पकामं भोत्तुं, परिभाए उं, तं अणुहोहि ताव जाया ! विउले माणुस्सए इड्ढि-सक्कारसमुदए, तओ पच्छा अणुहूयकल्लाणे, वढियकुलवंस तंतुकज्जम्मि निरवयक्खे समणस्स भगवो महावीरस्स अंतियं मुंडे भवित्ता अगाराप्रो अणगारियं°
पव्वइहिसि ॥ १७६. तए णं से जमालो खत्तियकुमारे अम्मापियरो एवं वयासी-तहा वि णं तं
अम्मतानो ! जण्णं तुब्भे ममं एवं वदह-इमं च ते जाया ! अज्जय-पज्जयपिउपज्जयागए जाव' पव्वइहिसि, एवं खलु अम्मताओ ! हिरण्णे य, सुवण्णे य जाव सावएज्जे अग्गिसाहिए, चोरसाहिए, रायसाहिए, मच्चुसाहिए, दाइयसाहिए, अग्गिसामण्णे', 'चोरसामण्णे, रायसामण्णे, मच्चुसामण्णे °, दाइयसामण्णे, अधुवे, अणितिए, असासए, पुब्बि वा पच्छा वा अवस्सविप्पजहियव्वे भविस्सइ, से केस णं जाणइ "अम्मताप्रो ! के पुखि गमणयाए, के पच्छा गमणयाए ? तं इच्छामि णं अम्मतानो! तुब्भेहिं अब्भणुण्णाए समाणे समणस्स भगवनो महावीरस्स अंतियं मुंडे भवित्ता अगाराओ अणगारियं°
पव्वइत्तए॥ १७७. तए णं तं जमालि खत्तियकुमारं अम्मतानो जाहे नो संचाएंति विसयाणुलो
माहिं बहूहिं आघवणाहि य पण्णवणाहि य सण्णवणाहि य विण्णवणाहि य, प्राघवेत्तए वा पण्णवेत्तए वा सण्णवेत्तए वा विण्णवेत्तए वा, ताहे विसयपडिकलाहिं संजमभयुव्वेयणकरीहि पण्णवणाहि पण्णवेमाणा एवं वयासी-एवं
१. इह प्रथमाबहुवचनलोपो दृश्यः (व)। २. सं० पा०–अम्मताओ जाव पव्वइत्तए। ३. या (क, ता, ब, म) सर्वत्र । ४. सं० पा०करणग जाव संसार । ५. सं० पा०-वढियकुल वंस जाव पव्वइहिसि।
६. भ. ६।१७५। ७. सं० पा०-अग्गिसामण्णे जाव दाइयसामण्णे। ८. सं० पा०-तं चेव जाव पव्वइत्तए। है. ०भयूब्वेवक ० (ता); भयुव्वेवणक° (ब)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |