Page Text
________________
भगवई
४३८
सेहि, मासद्धमासखमणेहि विचित्तेहि तवोकम्मेहि अप्पाणं भावेमाणी बहूइं वासाइं सामण्णपरियागं पाउणइ, पाउणित्ता मासियाए संलेहणाए अत्ताणं झूसेइ, झूसेत्ता सढि भत्ताइं अणसणाए छेदेइ, छेदेत्ता चरमेहिं उस्सास-नीसासेहि सिद्धा बुद्धा मुक्का परिनिव्वुडा° सव्वदुक्खप्पहीणा ।।
जमालि-पदं
१५६. तस्स णं माहणकुंडग्गामस्स नगरस्स पच्चत्थिमे णं एत्थ णं खत्तियकुंडग्गामे
नामं नयरे होत्था-वण्णो । तत्थ णं खत्तियकंडग्गामे नयरे जमाली नाम खत्तियकुमारे परिवसइ-अड्ढे दित्ते जाव' बहुजणस्स अपरिभूते, उप्पि पासायवरगए फुट्टमाणेहि मुइंगमत्थएहि बत्तीसतिबद्धेहिं णाडएहि वरतरुणीसंपउतेहि उवनच्चिज्जमाणे-उवनच्चिज्जमाणे, उवगिज्जमाणे-उवगिज्जमाणे, उवलालिज्जमाणे-उवलालिज्जमाणे, पाउस-वासारत्त-सरद-हेमंत-वसंत-गिम्हपज्जते छप्पि उऊ जहाविभवेणं माणेमाणे, कालं गालेमाणे, इतु सद्द-फरिस
रस-रूव-गंधे पंचविहे माणुस्सए कामभोगे पच्चणुब्भवमाणे विहरइ ।। १५७. तए ण खत्तियकुण्डग्गामे नयरे सिंघाडग-तिक-चउक्क-चच्चर'- चउम्मुह-महा
पह-पहेसु महया जणसद्दे इ वा जणवूहे इ वा जणबोले इ वा जणकलकले इ वा जणुम्मी इ वा जणुक्कलिया इ वा जणसण्णिवाए इ वा बहुजणो अण्णमण्णस्स एवमाइक्खइ एवं भासइ °, एवं पण्णवेइ, एवं परूवेइ, एवं खलु देवाणुप्पिया ! समणे भगवं महावीरे आदिगरे जाव' सव्वण्णू सव्वदरिसी माहणकंडग्गामस्स नगरस्स बहिया बहसालए चेइए अहापडिरूवं योग्गहं योगिण्डित्ता संजमेणं तवसा अप्पाणं भावेमाणे • विहरइ। तं महप्फलं खलु देवाणुप्पिया ! तहारूवाणं अरहंताणं भगवंताणं नामगोयस्स वि सवणयाए जहा अोववाइए जाव एगाभिमुहे खत्तियकुण्डग्गामं नयरं मझमज्झेणं निग्गच्छंति', निग्गच्छित्ता जेणेव माहणकुंडग्गामे नयरे जेणेव बहुसालए चेइए, तेणेव उवागच्छंति एवं जहा प्रोववाइए जाव" तिविहाए पज्जुवासणयाए पज्जुवासंति ॥
१. प्रो० सू० १ ।
६. ओ० सू० १६। २. भ० २।१४।
७. सं० पा०-अहापडिरूवं जाव विहरइ । ३. णाणाविहवरतरुणी (अ, ब, स)। ८. ओ० सू० ५२, वाचनान्तर पृ० १४७ । ४. उडू (अ); उदू (ता, ब, स)।
६. निग्गच्छइ (क, ता)। ५. सं० पा०-चच्चर जाव बहुजणसद्दे इ वा १०. ओ० सू० ५२, ६६ ।
जाव एवं।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |