________________
नवमं सतं (बत्तीसइमो उद्देसो)
४२७ गंगेया ! सव्वत्थोवे गब्भवक्कंतियमणुस्सपवेसणए संमुच्छिममणुस्सपवेसणए
असंखज्जगुणे ॥ ११४. देवपवेसणए णं भंते ! कतिविहे पण्णत्ते ?
गंगेया ! चउविहे पण्णत्ते, तं जहा-भवणवासिदेवपवेसणए जाव वेमाणिय
देवपवेसणए । ११५. एगे भंते ! देवे देवपवेसणएणं पविसमाणे किं भवणवासीसु होज्जा? वाणमंतर
जोइसिय-वेमाणिएसु होज्जा ?
गंगेया ! भवणवासीसु वा होज्जा, वाणमंतर-जोइसिय-वेमाणिएसु वा होज्जा ॥ ११६. दो भंते ! देवा देवपवेसणएणं--पुच्छा ।
गंगेया ! भवणवासीसु वा होज्जा, वाणमंतर-जोइसिय-वेमाणिएसु वा होज्जा। अहवा एगे भवणवासीसु एगे वाणमंतरेसु होज्जा, एवं जहा तिरिक्खजोणिय
पवेसणए तहा देवपवेसणए वि भाणियव्वे जाव असंखेज्जत्ति ॥ ११७.
उक्कोसा भंते ! –पुच्छा। गंगेया ! सव्वे वि ताव जोइसिएसु होज्जा, अहवा जोइसिय-भवणवासीसु य होज्जा, अहवा जोइसिय-वाणमंतरेसु य होज्जा, अहवा जोइसिय-वेमाणिएसु य होज्जा, अहवा जोइसिएम य भवणवासीसु य वाणमंतरेसु य होज्जा, अहवा जोइसिएसु य भवणवासीसु ए वेमाणिएसु य होज्जा, अहवा जोइसिएसु य वाणमंतरेसु य वेमाणिएसु य होज्जा, अहवा जोइसिएसु य भवणवासीसु य
वाणमंतरेसु य वेमाणिएसु य होज्जा ।। ११८. एयस्स णं भंते ! भवणवासिदेवपवेसणगस्स, वाणमंतरदेवपवेसणगस्स.
जोइसियदेवपवेसणगस्स, वेमाणियदेवपवेसणगस्स य कयरे कयरेहितो' अप्पा वा ? बहुया वा ? तुल्ला वा ? ० विसेसा हिया वा ? गंगेया ! सव्वत्थोवे वेमाणियदेवपवेसणए, भवणवासिदेवपवेसणए असंखेज्ज
गुणे, वाणमंतरदेवपवेसणए असंखेज्जगुणे, जोइसियदेवपवेसणए संखेज्जगुणे ॥ ११६. एयस्स णं भंते ! नेरइयपवेसणगस्स तिरिक्खजोणियपवेसणगस्स मणुस्सपवेसण
गस्स देवपवेसणगस्स य कयरे कयरेहितो' 'अप्पा वा ? बहुया वा ? तुल्ला वा ? • विसेसाहिया वा? गंगेया ! सव्वत्थोवे मणुस्सपवेसणए, नेरइयपवेसणए असंखेज्जगुणे, देवपवेसणए असंखेज्जगुणे, तिरिक्खजोणियपवेसणए असंखेज्जगुणे ॥
१. सं० पा०—कयरेहितो जाव विसेसाहिया।
२. सं० पा०-कयरेहितो जाव विसेसाहिया।
Jain Education International
For Private & Personal Use Only
www.jainelibrary.org
