Page Text
________________
नवम सतं (एगतीसइमो उद्देसो)
४०१
गोयमा ! असोच्चा णं केव लिस्स वा जाव तप्पक्खियउवासियाए वा अत्थेगतिए केवलिपण्णत्तं धम्मं लभेज्ज सवणयाए, अत्थेगतिए केवलिपण्णत्तं धम्मं नो
लभेज्ज सवणयाए॥ १०. से केण?णं भंते ! एवं वुच्चइ-असोच्चा णं जाव नो लभेज्ज सवणयाए ?
गोयमा ! जस्स णं नाणावरणिज्जाणं कम्माणं खग्रोवसमे कडे भवइ से णं असोच्चा केवलिस्स वा जाव तप्पक्खियउवासियाए वा केवलिपण्णत्तं धम्म लभेज्ज सवणयाए, जस्स णं नाणावरणिज्जाणं कम्माणं खग्रोवसमे 'नो कडे" भवइ से णं असोच्चा णं केवलिस्स वा जाव तप्पक्खियउवासियाए वा केवलिपण्णत्तं धम्मं नो लभेज्ज सवणयाए। से तेगटेणं गोयमा ! एवं वुच्चइ
'असोच्चा-णं'२ जाव नो लभेज्ज सवणयाए। ११. असोच्चा णं भंते ! केवलिस्स वा जाव तप्पक्खियउवासियाए वा केवलं बोहिं
बुज्झज्जा? गोयमा ! असोच्चा णं केवलिस्स वा जाव तप्पक्खियउवासियाए वा अत्थेगतिए
केवलं बोहिं बुज्झज्जा, अत्थेगतिए केवलं बोहिं नो बुझेज्जा। १२. से केण?णं भंते ! एवं वुच्चइ-असोच्चा णं जाव केवलं बोहि नो बुज्झज्जा ?
गोयमा ! जस्स णं दरिसणावरणिज्जाणं कम्माणं खग्रोवसमे कडे भवइ से णं असोच्चा केवलिस्स वा जाव तप्पक्खियउवासियाए वा केवलं बोहिं बुज्झज्जा, जस्स णं दरिसणावरणिज्जाणं कम्माणं खग्रोवसमे नो कडे भवइ से णं असोच्चा केवलिस्स वा जाव तप्पक्खियउवासियाए वा केवलं बोहिं नो बुज्झज्जा । से तेणटेणं गोयमा ! एवं वुच्चइ--असोच्चा णं जाव केवलं बोहिं नो
बूज्झज्जा ॥ १३. असोच्चा णं भंते ! केवलिस्स वा जाव तप्पक्खियउवासियाए वा केवलं मुंडे
भवित्ता अगाराप्रो अणगारियं पव्वएज्जा ? गोयमा ! असोच्चा णं केवलिस्स वा जाव तप्पक्खियउवासियाए वा अत्थेगतिए केवलं मुंडे भवित्ता अगाराग्रो अणगारियं पव्वएज्जा, अत्यंगतिए केवलं मुंडे भवित्ता अगाराप्रो अणगारियं नो पव्वएज्जा ।। से केणटेणं भंते ! एवं वुच्चइ-असोच्चा णं जाव केवलं मुंडे भवित्ता अगाराम्रो अणगारियं नो पव्वएज्जा? गोयमा ! जस्स णं धम्मतराइयाणं कम्माणं खग्रोवसमे कडे भवति से णं असोच्चा केवलिस्स वा जाव तप्पक्खियउवासियाए वा केवलं मुंडे भवित्ता अगाराप्रो अणगारियं पव्वएज्जा, जस्स णं धम्मतराइयाणं कम्माणं खग्रोवसमे नो कडे भवति से णं असोच्चा केवलिस्स वा जाव तप्पक्खियउवासियाए वा
१. कडे नो (ता)।
२. तं
चेव (अ, क, ता, व, म, स)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |