________________
३६४
भगवई
४७६. नाणावरणिज्जस्स णं भंते ! कम्मरस केवतिया अविभागपलिच्छेदा पण्णत्ता ?
गोयमा ! अणंता अविभागपलिच्छेदा पण्णत्ता ।। ४८०. नेरइयाणं भंते ! नाणावरणिज्जस्स कम्मस्स केवतिया अविभागपलिच्छेदा
पण्णत्ता?
गोयमा ! अणंता अविभागपलिच्छेदा पण्णत्ता ।। ४८१. एवं सव्वंजीवाणं जाव वेमाणियाणं-पुच्छा।
गोयमा ! अणंता अविभागपलिच्छेदा पण्णत्ता। एवं जहा नाणावरणिज्जस्स अविभागपलिच्छेदा भणिया तहा अट्टण्ह वि कम्मपगडीणं भाणियव्वा जाव
वेमाणियाणं अंतराइयस्स ॥ ४८२. एगमेगस्स णं भंते ! जीवस्स एगमेगे जीवपदेसे नाणावरणिज्जस्स कम्मस्स केव
तिएहि अविभागपलिच्छेदेहि आवेढिय-परिवेढिए ? गोयमा ! सिय आवेढिय-परिवेढिए, सिय नो आवेढिय-परिवेढिए । जइ प्रावे
ढिय-परिवेढिए नियमा अणंतेहिं ।। ४८३. एगमेगस्स णं भंते ! नेरइयस्स एगमेगे जीवपदेसे नाणावरणिज्जस्स कम्मस्स
केवतिएहि अविभागपलिच्छेदेहि आवेढिय-परिवेढिए ? गोयमा ! नियम अणंतेहिं । जहा नेरइयस्स एवं जाव वेमाणियस्स, नवरं.-.
मणूसस्स जहा जीवस्स ॥ कम्माणं परोप्परं नियमा-भयणा-पदं ४८४. एगमेगस्स णं भंते । जोवस्स एगमेगे जीवपदेसे दरिसणावरणिज्जस्स कम्मस्स
केवतिएहि अविभागपलिच्छेदेहिं आवेढिय-परिवेढिए ? गोयमा ! नियम अणंतेहिं । जहा जीवस्स एवं जाव वेमाणियस्स. नवरंमणूसस्स जहा जीवस्स । एवं जहेव नाणावरणिज्जस्स तहेव दंडगो भाणियव्वो जाव वेमाणियस्स । एवं जाव अंतराइयस्स भाणियव्वं, नवरं-वेयणिज्जस्स, ग्राउयस्स, नामस्स, गोयस्स--एएसि चउण्ह वि कम्माण मणसस्स जहा नेरइय
स्स तहा भाणियव्वं । सेसं तं चेव ॥ ४८५. जस्स णं भंते ! नाणावरणिज्जं तस्स दरिसणावरणिज्ज ? जस्स दसणावरणि
ज्जं तस्स नाणावरणिज्जं? गोयमा ! जस्स णं नाणावरणिज्जं तरस दंसणावरणिज्जं नियमं अत्थि, जस्स
णं दरिसणावरणिज्जं तस्स वि नाणावरणिज्ज नियम अस्थि ।। ४८६. जस्स णं भंते ! नाणावरणिज्जं तस्स वेयणिज्जं? जस्स वेयणिज्जं तस्स नाणा
वरणिज्जं?
१. अंतरातियस्स (अ, स); अंतरादियस्स (ता) २. केवइहिं (ता)।
Jain Education International
For Private & Personal Use Only
www.jainelibrary.org
