________________
अट्ठमं सतं (नवमो उद्देसो)
३८३ तेयासरीरप्पयोगं पडुच्च४१२ तेयासरीरप्पयोगबंधे णं भंते ! कतिविहे पण्णत्ते ?
गोयमा ! पंचविहे पण्णत्ते, तं जहा-एगिदियतेयासरीरप्पयोगबंधे, बेइंदिय
तेयासरीरप्पयोगबंधे जाव पंचिंदियतेयासरीरप्पयोगबंधे ॥ ४१३. एगिदियतेयासरीरप्पयोगबंधे णं भंते ! कतिविहे पण्णत्ते ?
एवं एएणं अभिलावेणं भेदो जहा प्रोगाहणसंठाणे जाव' पज्जत्तासव्वट्टसिद्धअणुत्तरोववाइयकप्पातीतवेमाणियदेवपंचिदियतेयासरीरप्पयोगबंधे य, अपज्जत्तासव्वट्ठसिद्ध अणुत्तरोववाइय' कप्पातीतवेमाणियदेवपंचिदियतेयासरीरप्पयोग° -
बंधे य ।। ४१४. तेयासरीरप्पयोगबंधे णं भंते ! कस्स कम्मस्स उदएणं ?
गोयमा ! वीरिय-सजोग-सद्दव्वयाए' •पमादपच्चया कम्मं च जोगं च भवं च° पाउयं वा पडुच्च तेयासरीरप्पयोगनामाए कम्मस्स उदएणं तेयासरीरप्प
योगबंधे ॥ ४१५. तेयासरीरप्पयोगबंधे णं भंते ! किं देसबंधे ? सव्वबंधे ?
गोयमा ! देसबंधे, नो सव्वबंधे ॥ ४१६. तेयासरीरप्पयोगबंधे णं भंते ! कालो केवच्चिरं होइ ?
गोयमा ! दुविहे पण्णत्ते, तं जहा-अणादीए' वा अपज्जवसिए, अणादीए वा
सपज्जवसिए॥ ४१७. तेयासरीरप्पयोगबंधतरं णं भंते ! कालमो केवच्चिरं होइ ?
गोयमा! अणादीयस्स अपज्जवसियस्स नत्थि अंतरं, अणादीयस्स सपज्जव
सियस्स नत्थि अंतरं ।। ४१८. एएसि णं भंते ! जीवाणं तेयासरोरस्स देसबंधगाणं, अबंधगाण य कयरे कयरे
हितो अप्पा वा ? बहुया वा? तुल्ला वा ? ° विसेसाहिया वा ? गोयमा ! सव्वत्थोवा जीवा तेयासरीरस्स अबंधगा, देसबंधगा अणंतगुणा ।।
कम्मासरीरप्पयोगं पडुच्च४१६. कम्मासरीरप्पयोगबंधे णं भंते ! कतिविहे पण्णत्ते ?
गोयमा ! अढविहे पण्णत्ते, तं जहा-नाणावरणिज्जकम्मासरीरप्पयोगबंधे जाव अंतराइयकम्मासरीरप्पयोगबंधे ॥
१. प० २१ । २. सं० पा०-वाइय जाव बंधे। ३. सं० पा०-सहव्वयाए जाव आउयं ।
४. च (ता, ब, म)। ५. अणादिए (ता)। ६. सं० पा०-कयरेहितो जाव विसेसाहिया ।
Jain Education International
For Private & Personal Use Only
www.jainelibrary.org
