Page Text
________________
३७८
भगवई
हिया कायव्वा । वाउक्काइयाणं सव्वबंधंतरं जहण्णेणं खुड्डागं भवग्गहणं तिसमयूणं, उवकोसेणं तिपिण वाससहस्साइं समयाहियाई। देसबंधंतरं जहण्णेणं
एक्कं समयं, उक्कोसेणं अंतोमुहुत्तं ॥ ३८२. पंचिदियतिरिक्खजोणियोरालियपुच्छा।
सव्वबंधंतरं जहण्णेणं खुड्डागं भवग्गहणं तिसमयूणं, उक्कोसेणं पुव्वकोडी समयाहिया । देसबंधतरं जहा एगिदियाणं तहा पंचिदियतिरिक्खजोणियाणं, एवं
मणुस्साण वि निरवसेसं भाणियव्वं जाव उक्कोसेणं अंतोमुहुत्तं ।। ३८३. जीवस्स णं भंते ! एगिदियत्ते, नोएगिदियत्ते, पुणरवि एगिदियत्ते एगिदिय
ओरालियसरीरप्पयोगबंधंतरं कालओ केवच्चिरं होइ ? गोयमा ! सव्वबंधंतरं जहणणेणं दो खुड्डाइं भवग्गहणाई तिसमयूणाई, उक्कोसेणं दो सागरोवमसहस्साई संखेज्जवासमब्भहियाइं । देसबंधंतरं जहण्णेणं खुड्डागं भवग्गहणं समयाहियं, उक्कोसेणं दो सागरोवमसहस्साइं संखेज्जवास
मब्भहियाइं॥ ३८४. जीवस्स णं भंते ! पुढविक्काइयत्ते, नोपुढविक्काइयत्ते, पुणरवि पुढविक्काइयत्ते
पुढविक्काइयएगिदियोरालियसरीरप्पयोगबंधंतरं कालओ केवच्चिरं होइ ? गोयमा ! सव्वबंधंतरं जहण्णेणं दो खुड्डाइं भवग्गहणाइं तिसमयूणाई', उक्कोसेणं अणंतं कालं-अणंतानो ओसप्पिणीओ उस्सप्पिणीयो कालो, खेत्तओ अणंता लोगा-- असंखेज्जा पोग्गलपरियट्टा, ते णं पोग्गलपरियट्टा आवलियाए असंखेज्जइभागो। देसबंधंतरं जहण्णेणं खुड्डागं भवग्गहणं समयाहियं, उक्कोसेणं अणतं कालं जाव प्रावलियाए असंखेज्जइभागो। जहा पुढविक्काइयाणं एवं वणस्सइकाइयवज्जाणं जाव मणुस्साणं । वणस्सइकाइयाणं दोण्णि खुड्डाइं एवं चेव, उक्कोसेणं असंखेज्जं कालं- असंखेज्जारो अोसप्पिणीओ उस्सप्पिणीओ
कालो, खेत्तो असंखेज्जा लोगा, एवं देसबंधंतरं पि उक्कोसेणं पुढविकालो। ३८५. एएसि णं भंते ! जीवाणं पोरालियसरीरस्स देसबंधगाणं, सव्वबंधगाणं, प्रबंध
गाण य कयरे कयरेहितो' 'अप्पा वा ? बहुया वा? तुल्ला वा ? विसेसाहिया वा? गोयमा ! सव्वत्थोवा जीवा ओरालियसरीरस्स सव्वबंधगा, अबंधगा विसेसाहिया, देसबंधगा असंखेज्जगुणा ।।
१. एवं चेव (अ, क, ता, ब, म); तिसमयूणाई
एवं चेव (स); अत्र द्वयोमिश्रणं जातम् । 'एवं चेव' त्ति करणात् 'तिसमयूणाई' ति
दृश्यम् । २. तरुकालो वरण ° (ता)। ३. सं० पा०--कयरेहितो जाव विसेसाहिया।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |