Page Text
________________
भगवई
३२६. एक्कविहबंधगस्स णं भंते ! वीयरागछउमत्थस्स कति परीसहा पण्णत्ता ?
गोयमा ! एवं चेव-जहेव छव्विहबंधगस्स ॥ ३२७. एगविहबंधगस्स णं भंते ! सजोगिभवत्थकेवलिस्स कति परीसहा पण्णत्ता ?
गोयमा ! एक्कारस परीसहा पण्णत्ता । नव पुण वेदेइ । सेसं जहा
छविहबंधगस्स ॥ ३२८. अबंधगस्स णं भंते ! अयोगिभवत्थकेवलिस्स कति परीसहा पण्णत्ता?
गोयमा ! एक्कारस परीसहा पण्णत्ता । नव पुण वेदेइ-जं समयं सीयपरीसहं वेदेइ नो तं समयं उसिणपरीसहं वेदेइ, जं समयं उसिणपरीसहं वेदेइ नो तं समयं सीयपरीसहं वेदेइ, जं समयं चरियापरीसहं वेदेइ नो तं समयं सेज्जापरीसहं वेदेइ, जं समयं सेज्जापरीसहं वेदेइ नो तं समयं चरियापरीसहं
वेदेइ ॥ सूरिय-पदं ३२६. जंबुद्दीवे णं भंते ! दीवे सूरिया उग्गमणमुहुत्तंसि दूरे य मूले य दीसंति ?
मज्झतियमुहुत्तंसि मूले य दूरे य दीसंति ? अत्थमणमुहुत्तंसि दूरे य मूले य दीसंति ? हंता गोयमा ! जंबुद्दीवे णं दीवे सूरिया उग्गमणमुहत्तंसि दूरे य' 'मूले य दीसंति, मज्झतियमुहुत्तंसि मूले य दूरे य दीसंति°, अत्थमणमुहुत्तंसि दूरे य मूले
य दीसंति ॥ ३३०. जंबुद्दीवे णं भंते ! दीवे सूरिया उग्गमणमुहत्तंसि, मज्झतियमुहत्तंसि य,
प्रत्थमणमहत्तंसि य सम्वत्थ समा उच्चत्तेणं ? हंता गोयमा ! जंबुद्दीवे णं दीवे सूरिया उग्गमण' मुहत्तंसि, मझतियमुहत्तंसि
य, अत्थमणमुहत्तंसि य सव्वत्थ समा० उच्चत्तेणं ।। ३३१. जइ णं भंते ! जंबुद्दीवे दीवे सूरिया उग्गमणमहत्तंसि, मज्झंतियमुहत्तंसि य,
अत्थमणमुहुत्तंसि' 'य सव्वत्थ समा० उच्चत्तेणं, से केणं खाइ अट्रेणं भंते ! एवं वुच्चइ.- जंबुद्दीवे णं दीवे सूरिया उग्गमणमुहुत्तंसि' दूरे य मूले य दीसंति ? जाव अत्थमणमुहुत्तंसि दूरे य मूले य दीसंति ? गोयमा ! लेसापडिघाएणं उग्गमणमुहुत्तंसि दूरे य मूले य दीसंति, लेसाभितावेणं मज्झंतियमुहत्तंसि मूले य दूरे य दीसंति, लेसापडिघाएणं अत्थमणमुहत्तंसि
१. सं० पा०-तं चेव जाव अस्थमण । २. सं० पा०--उग्गमण जाव उच्चत्तेणं । ३. सं० पा०-प्रत्थमणमुहुत्तंसि जाव उच्च-
तेणं । 'अ, ता, ता, म, स' संकेतितादर्शेषु
'अत्थमणमुहुत्तसि मूले जाव उच्चत्तेणं' इति पाठोऽस्ति । अत्र 'मूले' इति पदं नावश्यक
प्रतिभाति । ४. ° मुहुत्तंसि य (अ, क,ता, ब, म, स)।
www.jainelibrary.org
For Private & Personal Use Only
Jain Education International
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |