________________
अट्ठमं सतं (बीओ उद्देसो)
३४७ २०७. एतेसि णं भंते ! जीवाणं आभिणिबोहियनाणीणं सुयनाणीणं अोहिनाणीणं
मणपज्जवनाणीणं केवलनाणोणं मतिअण्णाणीणं सुयअण्णाणीणं विभंगनाणीण य कयरे कयरेहितो अप्पा वा ? बहुया वा? तुल्ला वा ? विसेसाहिया वा ? . गोयमा ! सव्वत्थोवा जीवा मणपज्जवनाणी, ओहिनाणी असंखेज्जगुणा, आभिणिबोहियनाणी सुयनाणी य दो वि तुल्ला विसेसाहिया, विभंगनाणी असंखेज्जगुणा, केवलनाणी अणंतगुणा, मइअण्णाणी सुयअण्णाणी य दो वि तुल्ला
अणंतगुणा ॥ नाणपज्जव-पदं २०८. केवतिया णं भंते ! आभिणिबोहियनाणपज्जवा पण्णत्ता ?
गोयमा ! अणंता आभिणिबोहियनाणपज्जवा पण्णत्ता ।। २०६. केवतिया णं भंते ! सुयनाणपज्जवा पण्णत्ता ?
एवं चेव ॥ २१०. एवं जाव केवलनाणस्स । एवं मइअण्णाणस्स सूयअण्णाणस्स ।। २११. केवतिया णं भंते ! विभंगनाणपज्जवा पण्णत्ता ?
गोयमा ! अणंता विभंगनाणपज्जवा पण्णत्ता । नाणपज्जवाणं अप्पाबहुयत्त-पदं २१२. एतेसि णं भंते ! आभिणिबोहियनाणपज्जवाणं, सुयनाणपज्जवाणं, ओहिनाण
पज्जवाणं, मणपज्जवनाणपज्जवाणं, केवलनाणपज्जवाण य कयरे कयरेहितो' •अप्पा वा ? बहुया वा ? तुल्ला वा ? • विसेसाहिया वा ? गायमा ! सव्वत्थोवा मणपज्जवनाणपज्जवा, अोहिनाणपज्जवा अणंतगुणा, सुयनाणपज्जवा अणंतगुणा, प्राभिणिबोहियनाणपज्जवा अणंतगुणा, केवलनाण
पज्जवा अणंतगूणा ।।। २१३. एएसि णं भंते ! मइअण्णाणपज्जवाणं, सुयअण्णाणपज्जवाणं, विभंगनाण
पज्जवाण य कयरे कयरेहितो' 'अप्पा वा ? बहुया वा ? तुल्ला वा? ० विसेसाहिया वा? गोयमा ! सव्वत्थोवा विभंगनाणपज्जवा, सुयअण्णाणपज्जवा अणंतगुणा,
मइअण्णाणपज्जवा अणंतगुणा ।। २१४. एएसि णं भंते ! आभिणिबोहियनाणपज्जवाणं जाव केवलनाणपज्जवाणं, मइ
अण्णाणपज्जवाणं, सुयअण्णाणपज्जवाणं, विभंगनाणपज्जवाण य कयरे कयरेहितो' अप्पा वा ? बहुया वा ? तुल्ला वा°? विसेसाहिया वा ?
१. सं० पा०–कयरेहितो जाव विसेसाहिया। २. सं० पा०-कयरेहितो जाव विसेसाहिया।
३. सं० पा०-कयरेहितो जाव विसेसाहिया।
Jain Education International
For Private & Personal Use Only
www.jainelibrary.org
