________________
असतं (बी उद्देसो)
३३६
गोयमा ! नाणी, नो अण्णाणी । प्रत्येगतिया तिण्णाणी, अत्थेगतिया चउनाणी । जे तिण्णाण ते आभिणि बोहियनाणी, सुयनाणी, मणपज्जवनाणी | उनाणी ते आभिणिबोहियनाणी, सुयनाणी, श्रहिनाणी मणपज्जवनाणी । १५४. तस्स अलद्धीयाणं पुच्छा ।
गोयमा ! नाणी वि, अण्णाणी वि । मणपज्जवनाणवज्जाई चत्तारि नाणाई, तिण्णि अण्णाणाई – भयणाए ।
१५५. केवलनाणल द्धिया णं भंते ! जीवा किं नाणी ? अण्णाजी ?
गोमा ! नाणी, नो अण्णाणी । नियमा एगनाणी - केवलनाणी || १५६. तस्स अलद्धियाणं पुच्छा ।
गोमा ! नाणी वि, अण्णाणी वि । केवलनाणवज्जाई चत्तारि नाणाई, तिण्णि अण्णाणाई – भयणाए ॥
१५७. अण्णाणलद्धियाणं पुच्छा ।
गोयमा ! नो नाणी, अण्णाणी । तिष्णि प्रण्णाणाई भयणाए ||
१५८. तस्स अलद्धियाणं पुच्छा ।
गोयमा ! नाणी, नो अण्णाणी । पंच नाणाई भयणाए । जहा अण्णाणस्स य दिया अलद्धिया य भणिया, एवं मइण्णाणस्स सुयग्रण्णाणस्स य लद्धिया द्वियाय भाणियव्वा । विभंगनाणलद्धियाणं तिणि अण्णाणाइं नियमा । तस्स अलद्धियाणं पंच नाणाई भयणाए, दो ग्रण्णाणारं नियमा ।
दंसणं पडुच्च
१५६. दंसणलद्धिया णं भंते ! जीवा किं नाणी ? अण्णाणी ?
1
गोयमा ! नाणी वि, अण्णाणी वि । पंच नाणाई, तिणि अण्णाणाई - भयगाए ॥ १६०. तस्स अलद्धिया णं भंते ! जीवा किं नाणी ? अण्णाणी ?
गोयमा ! तस्स अलद्धिया नत्थि ।
सम्मदंसणलद्धियाणं पंच नाणाई भयणाए । तस्स अलद्धियाणं तिण्णि अण्णाणाई भयणा ||
मिच्छादंसणलद्धियाणं तिणि अण्णाणाई भयणाए
तस्स अलद्धियाणं पंच
नाणाई, तिणिय अण्णाणाई – भयणाए । सम्मामिच्छादंसणलद्धिया, अलद्धिया य जहा मिच्छादंसणलद्धिया अलद्धिया तव भाणियव्वा ||
चरितं पडुच्च
१६१. चरित्तलद्धिया णं भंते ! जीवा किं नाणी ? अण्णाणी ?
गोयमा ! पंच नाणाई भयणाए ॥
Jain Education International
For Private & Personal Use Only
www.jainelibrary.org
