________________
३३४
भगवई
य। जे तिण्णाणी ते आभिणिबोहियनाणी, सुयनाणी, प्रोहिनाणी, अहवा अभिणिबोहियनाणी, सुयनाणी, मणपज्जवनाणी । जे चउनाणी ते आभिणिबोहियनाणी, सुयनाणी, ओहिनाणी, मणपज्जवनाणी । जे एगनाणी ते नियमा केवलनाणी। जे अण्णाणी ते अत्थेगतिया दुअण्णाणी, अत्थेगतिया तिअण्णाणो । जे दुअण्णाणी ते मइअण्णाणी सुयअण्णाणी य । जे तिअण्णाणी ते मइअण्णाणी, सुयअण्णाणी,
विभंगनाणी।। १०५. नेरइया णं भंते ! किं नाणी ? अण्णाणी ?
गोयमा ! नाणी वि, अण्णाणी वि । जे नाणी ते नियमा तिण्णाणी, तं तहा-आभिणिबोहियनाणी, सुयनाणी, प्रोहिनाणी। जे अण्णाणो ते अत्थेगतिया दुअण्णाणी, अत्थेगतिया
तिअण्णाणी । एवं तिण्णि अण्णाणाणि भयणाए । १०६. असुरकुमारा णं भंते ! कि नाणी ? अण्णाणी ?
जहेव नेरइया तहेव, तिण्णि नाणाणि नियमा, तिण्णि अण्णाणाणि भयणाए।
एवं जाव' थणियकुमारा॥ १०७. पुढविक्काइया णं भंते ! किं नाणी ? अण्णाणी ?
गोयमा ! नो नाणी, अण्णाणी। जे अण्णाणी ते नियमा दुअण्णाणी-मइ
अण्णाणी सुयअण्णाणी य । एवं जाव वणस्सइकाइया ।। १०८. बेइंदियाणं पुच्छा ।
गोयमा ! नाणी वि अण्णाणी वि । जे नाणी ते नियमा दुण्णाणी, तं जहा-प्राभिणिबोहियनाणी सुयनाणी य। जे अण्णाणी ते नियमा दुअण्णाणी, तं जहा -मइअण्णाणी सुयअण्णाणी य ।
एवं तेइंदिय-चरिदिया वि ।। १०६. पंचिदियतिरिक्खजोणियाणं पुच्छा।
गोयमा ! नाणी वि, अण्णाणो वि । जे नाणी ते अत्थेगतिया दुण्णाणी, अत्थेगतिया तिण्णाणी। जे अण्णाणी ते अत्थेगतिया दुअण्णाणी, अत्थेगतिया तिअण्णाणी । एवं तिण्णि नाणाणि, तिणि अण्णाणाणि भयणाए। मणुस्सा जहा जीवा, तहेव पंच नाणाणि, तिण्णि अण्णाणाणि भयणाए। वाणमंतरा जहा नेरइया । जोइसिय
वेमाणियाणं तिष्णि नाणाणि, तिणि अण्णाणाणि नियमा ।। ११०. सिद्धाणं भंते ! पुच्छा।
गोयमा ! नाणी, नो अण्णाणी ; नियमा एगनाणी-केवलनाणी ॥
१. पू० प० २।
Jain Education International
For Private & Personal Use Only
www.jainelibrary.org
