________________
३१६
भगवई
४. पुढविकाइयएगिंदियपयोगपरिणया णं भंते ! पोग्गला कतिविहा पण्णत्ता ? गोमा ! दुविहा पण्णत्ता, तं जहा - सुहुमपुढविकाइयएगिदियपयोगपरिणया, बादरपुढविकाइयएगिदियपयोगपरिणया य । आाउकाइयए गिदियपयोगपरिणया एवं चेव । एवं दुयग्रो' भेदो जाव वणस्सइकाइयाय ।।
५. बेइंदियपयोगपरिणयाणं पुच्छा ।
गोमा ! अणेगविहा पण्णत्ता । एवं तेइंदिय- चउरिदियपयोगपरिणया वि ॥ ६. पंचिदियपयोगपरिणयाणं पुच्छा ।
गोयमा ! चउव्विहा पण्णत्ता, तं जहा - -नेरइयपंचिदियपयोगपरिणया, तिरिक्ख माणुस - देव पंचिदियपयोगपरिणया |
७. नेरइयपंचिदियपयोगपरिणयाणं पुच्छा |
गोयमा ! सत्तविहा पण्णत्ता, तं जहा रयणप्पभपुढविने रइयपंचिदियपयोगपरिणया वि जाव' हेसत्तमपुढविने रइयपंचिदियपयोगपरिणया वि ॥ ८. तिरिक्खजोणियपंचिदियपयोगपरिणयाणं पुच्छा ।
गोयमा ! तिविहा पण्णत्ता, तं जहा- जलचरतिरिक्खजोणियपंचिदियपयोगपरिणया, थलचरतिरिक्खजोणियपंचिदियपयोगपरिणया, खहचरतिक्खिजोणिय पंचिदियपयोगपरिणया ||
६. जलचरतिरिक्खजोणियपंचिदियपयोगपरिणयाणं पुच्छा ।
गोयमा ! दुविहा पण्णत्ता, तं जहा-संमुच्छिम जलचरतिक्खि जोणियपंचिदियपयोगपरिणया, गब्भवक्कंतियजलचरतिरिक्खजोणियपंचिदियपयोगपरिणया || १०. थलचर तिरिक्खजोणियपंचिदियपयोगपरिणयाणं पुच्छा ।
गोमा ! दुविहा पण्णत्ता, तं जहा - चउप्पयथलचरति रिक्खजोणियपंचिदियपयोगपरिणया, परिसप्पथलचरतिरिक्खजोणियपंचिदियपयोगपरिणया ॥ ११. चउप्पयथलचरतिरिक्खजोणिय पंचिदियपयोगपरिणयाणं पुच्छा ।
गोयमा ! दुविहा पण्णत्ता, तं जहा - संमुच्छिमच उप्पयथलचरतिरिक्खजोणियपंचिदियपयोगपरिणया, गब्भवक्कंतियच उप्पयथलचरतिरिक्ख जोणियपंचिदियपयोगपरिणया ||
१२. एवं एएवं प्रभिलावेणं परिसप्पा दुविहा पण्णत्ता, तं जहा - उरपरिसप्पा य भुपरिसप्पा य । उरपरिसप्पा दुविहा पण्णत्ता, तं जहा - संमुच्छिमा य गब्भवक्कंतिया य । एवं भुयपरिसप्पा वि । एवं खहयरा वि ॥
१३. मणुस्सपंचिदियपयोगपरिणयाणं पुच्छा ।
१. दुपओ (क, ब, स वृपा) ।
२. रयणप्पभा० ( अ, स ) ।
Jain Education International
३. भ० २।७७ ।
For Private & Personal Use Only
www.jainelibrary.org
