Page Text
________________
३१२
कालोदाइस कम्मादिविसए पसिण-पदं
२२२. तेणं कालेणं तेणं समएणं रायगिहे नामं नगरे, गुणसिलए चेइए । तए णं सम भगवं महावीरे अण्णया कयाइ जाव' समोसढे, परिसा जाव' पडिगया ॥ २२३. तए णं से कालोदाई अणगारे ग्रण्णया कयाइ जेणेव समणे भगवं महावीरे तेणेव उवागच्छति, उवागच्छित्ता समणं भगवं महावीरं वंदइ नमसइ, वंदित्ता नमसित्ता एवं वयासी - प्रत्थि णं भंते! जीवाणं पावा कम्मा पावफलविवागसंजुत्ता कज्जति ? हंता अत्थि ||
२२४. कहणं भंते ! जीवाणं पावा कम्मा पावफलविवागसंजुत्ता कज्जति ? कालोदाई ! से जहानामए केइ पुरिसे मणुष्णं थालीपागसुद्धं अट्ठारसवंजणाकुलं विससंमिस्सं भोयणं भुंजेज्जा, तस्स णं भोयणस्स आवाए भद्दए भवइ, तओ पच्छा परिणममाणे- परिणममाणे दुरूवत्ताए, दुवण्णत्ताए, दुगंधत्ताए जाव' दुक्खत्ताए - नो सुहत्ताए भुज्जो - भुज्जो परिणमति । एवामेव कालोदाई ! जीवाणं पाणाइवाए जाव' मिच्छादंसणसल्ले, तस्स णं ग्रावाए भद्दए भवइ, तो पच्छा विपरिणममाणे विपरिणममाणे " दुरूवत्ताए दुवण्णत्ताए दुगंधत्ताए जाव दुक्खत्ताए -नो सुहत्ताए भुज्जो - भुज्जो परिणमति । एवं खलु कालोदाई ! जीवाणं पावा कम्मा 'पावफल विवागसंजुत्ता कज्जति" ।
२२५. प्रत्थि णं भंते ! जीवाणं कल्लाणा कम्मा कल्लाणफलविवागसंजुत्ता कज्जंति ?
हंता थि ||
२२६. कण्णं भंते ! जीवाणं कल्लाणा कम्मा' कल्लाणफल विवागसंजुत्ता • कज्जंति ? कालोदाई ! से जहानामए केइ पुरिसे मणुण्णं थालीपागसुद्धं अट्ठारसवंजणाकुलं श्रसहमिस्सं भोयणं भुजेज्जा, तस्स णं भोयणस्स श्रावाए नो भद्दए भवइ, तनो पच्छा परिणममाणे- परिणममाणे सुरूवत्ताए सुवण्णत्ताए जाव' सुहत्ताए - नो दुक्खत्ताए भुज्जो - भुज्जो परिणमति । एवामेव कालोदाई ! जीवाणं पाणाइवायवेरमणे जाव" परिग्गहवेरमणे कोहविवेगे जाव" मिच्छादंसणसल्लविवेगे, तस्स
१. भ० १1७ ।
२. भ० १८ ।
३. जहा महत्सवए जाव ( अ, क, ता, ब, म,
स) ; भ० ६।२० ।
४. भ० १।३८४ ।
५. तस्य प्राणातिपातादे: ( वृ ) |
६. परिणममाणे- परिणममाणे ( अ, क, ता, म ) ।
Jain Education International
भगवई
७. फलविवाग जाव कज्जंति ( अ ); फल जाव कज्जति (क, ता) ।
८. सं० पा० कम्मा जाव कज्जति ।
६. भ० ६।२२ ।
१०. भ० १।३८५ ।
११. ठा० १११५-१२५ ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |