Page Text
________________
३१०
भगवई
२१५. तेणं कालेणं तेणं समएणं समणस्स भगवश्रो महावीरस्स जेट्टे अंतेवासी इंदभूई नाम अणगारे 'गोयमे गोत्तेणं" जाव' भिक्खायरियाए प्रमाणे अहापज्जतं भत्त-पाणं पडिग्गाहित्ता रायगिहाम्रो 'नगराम्रो पडिनिक्खमइ, प्रतुरियमचवलमसंभंतं जुगंतरपलोयणाए दिट्ठीए पुरस्रो रियं सोहेमाणे- सोहेमाणे तेसिं उत्थियाणं दूर सामंतेणं वीईवयति ॥
२१६. तणं ते अण्णउत्थिया भगवं गोयमं प्रदूरसामंतेणं वीईवयमाणं पासंति, पासित्ता णणं सद्दावेंति, सद्दावेत्ता एवं वयासी- एवं खलु देवाणुप्पिया ! म्हं इमा कहा विप्पकडा, अयं च णं गोयमे ग्रम्हं अदूरसामंतेणं वीईवयइ, तं सेयं खलु देवाणुप्पिया ! ग्रम्हं गोयमं एयमहं पुच्छित्तए त्ति कट्टु अण्णमण्णस्स तिए एयम पडिसुगंति, पडिसुणित्ता जेणेव भगवं गोयमे तेणेव उवागच्छति, उवागच्छित्ता भगवं गोयमं एवं वयासी - एवं खलु गोयमा ! तव धम्मायरिए धम्मो देसए समणे नायपुत्ते पंच प्रत्थिकाए पण्णवेति, तं जहा- - धमत्थिकायं जाव पोग्गलत्थिकायं । तं चेव जाव' रूविकायं प्रजीवकायं पण्णवेति । से कहमेयं गोयमा ! एवं ?
कालोदाइस्स समाहाणपुव्वं पव्वज्जा-पदं
२१७. तए णं से भगवं गोयमे ते अण्णउत्थिए एवं वयासी - नो खलु वयं देवाणुप्पिया ! अस्थिभावं नत्थिति वदामो, नत्थिभावं प्रत्थि त्ति वदामो । ग्रम्हे णं देवाणुप्पिया ! सव्वं ग्रत्थिभावं प्रत्थि त्ति वदामो, सव्वं नत्थिभावं नत्थि त्ति वदामो । तं चेयसा' खलु तुब्भे देवाणुप्पिया ! एयमट्ठे सयमेव पच्चुवेक्खहत्ति कट्टु णत्थि एवं वदासी, वदित्ता जेणेव गुणसिलए चेइए, जेणेव समणे भगवं महावीरे तेणेव उवागच्छइ जाव" भत्त-पाणं पडिदंसेति, पडिदंसेत्ता समणं भगवं महावीरं वंदइ नमंसइ, वंदित्ता नमंसित्ता नच्चासण्णे जाव" पज्जुवासति ॥ २१८. तेणं कालेणं तेणं समएणं समणे भगवं महावीरे महाकहापडिवण्णे या वि होत्या । कालोदाई य तंदेसं हव्वमागए । कालोदाईति ! समणे भगवं महावीरे कालोदाई
१. गोयमगोत्ते णं ( अ, ता ) ।
२. एवं जहा वितियसते नियंठुद्देस जाव ( अ,
क, ता, ब, म, स); भ० २।१०६-१०६ । ३. सं० पा०-- रायगिहाओ जाव अतुरियमच वलमसंभंतं जाव रियं ।
C
४. भ० २।११० सूत्रे ० मसंभंते' इति पाठ:
स्वीकृतोस्ति ।
५. अविउप्पकडा ( अ, क, ब, म, वृपा) ।
Jain Education International
६. आगासत्थिकायं (अ, क, ब, म, स) ।
७. भ० ७।२१३ ।
८. वेदसा ( अ, ता, म, वृपा) ।
६
वदति (ता, ब, म ) ।
१०. एवं जहा नियंठुद्देस जाव ( अ, क, ता, ब,
म, स ) ; भ० २ ११० ।
११. भ० ३।१३ ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |