Page Text
________________
सत्तम सतं (नवमो उद्देसो)
३०३
१८३. तए णं से कूणिए राया रहमुसलं संगामं उवद्वियं' जाणित्ता कोडुं बियपुरिसे सद्दावे सहावेत्ता एवं वयासी – खिप्पामेव भो देवाणुप्पिया ! भूयाणंद हत्थरायं पडिक पेह, हय-गय-रह- पवरजोहक लियं चाउरंगिणि सेणं सण्णाह, सणात्ता मम एयमाणत्तियं खिप्पामेव पच्चष्पिणह ||
१८४. तए णं ते कोडुं बियपुरिसा कोणिएणं रण्णा एवं वृत्ता समाणा हट्टुतुट्ठचित्तमाणंदिया जाव मत्थए अंजलि कट्टु एवं सामी ! तहत्ति प्राणाए विणणं वयणं पडणंति, पडिणित्ता खिप्पामेव छेयायरियोवएस-मति कप्पणा-विकप्पेहि सुनिउणेहिं उज्जलणे वत्थ- हव्वपरिवच्छियं सुसज्जं जाव' भीमं संगामियं श्रप्रोज्झ भूयानंद हत्थिरायं पडिकप्पेंति, हय-गय-रह-पवरजोहकलियं चाउरंगिण सेणं सणाति, सण्णा हेत्ता जेणेव कूणिए राया तेणेव उवागच्छंति, उवागच्छित्ता करयल परिगहियं दसनहं सिरसावत्तं मत्थए अंजलि कट्टु कूणियस्स रणो तमाणत्तियं पच्चष्पिणंति ॥
१८५. तए णं से कूणिए राया जेणेव मज्जणघरं तेणेव उवागच्छति, उवागच्छित्ता मज्जणघरं ग्रणुष्पविसइ, प्रणुप्पविसित्ता हाए कयबलिकम्मे कयकोउय-मंगलपायच्छिते सव्वालंकारविभूसिए सण्णद्ध-बद्ध - वम्मियकवए उप्पीलियस रासणपट्टिए पिवेज्ज - विमलवरबद्धचिधपट्टे गहियाउहप्पहरणे सकोरेंटमल्लदामेणं छत्तेणं धरिज्जमाणेणं चउचामरबालवीजियंगे, मंगलजयसद्दक्यालोए जाव जेणेव भूयाणंदे हत्थराया तेणेव उवागच्छइ, उवागच्छत्ता भूयाणंदं हत्थिरायं दुरूढे ॥
१८६. तए णं से कूणिए राया हारोत्थय-सुकय- रइयवच्छे जाव' सेयवरचामराहि उद्धव्वमाणीहि उद्धव्वमाणीहिं हय-गय-रह-पव रजोहकलियाए चाउरंगिणीए सेणा सद्धि संपरिवुडे महयाभडचडगरविंदपरिक्खित्ते जेणेव रहमुसले संगामे तेणेव उवागच्छइ, उवागच्छित्ता रहमुसलं संगामं प्रोयाए । पुरो य से सक्के देवि देवराया एवं महं प्रभेज्जकवयं वइरपडिरूवगं विउव्वित्ता णं चिट्टइ° । मग्गय से चमरे सुरिंदे असुरकुमार राया एवं महं प्रायसं किढिणपडिरूपगं विव्वित्ताणं चिट्ठइ । एवं खलु तो इंदा संगामं संगामेंति, तं जहा - देविदे य, मणुदेय, सुरिंदे य । एगहत्थिणा वि णं पभू कूणिए राया जइत्तए,
१. सं० पा० - सेसं जहा महासिलाकंटए नवरं भूयाणंदे हत्यिराया जाव रहमुसलं संगामं ओयाए । पुरओ य से सक्के देविंदे देवराया एवं तहेव जाव चिट्ठइ |
२. ३।११० ।
३. ओ० सू० ५७ ।
Jain Education International
४. प्रो० सू० ६३ । ५. ओ सू० ६५ ।
६. असुरराया ( अ, स ) ।
o
७. कढण ( अ ); किड्डिण ( क स ) । ८. सं० पा० – तहेव जाव दिसोदिसिं ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |