________________
३००
भगवई
नवमो उद्देसो असंवुड-अणगारस्स विउवणा-पदं १६७. असंवुडे णं भंते ! अणगारे वाहिरए पोग्गले अपरियाइत्ता पभू एगवण्णं
एगरूवं विउव्वित्तए?
णो इणढे सम? ॥ १६८. असंवुडे णं भंते ! अणगारे बाहिरए पोग्गले परियाइत्ता पभू एगवण्णं एगरूवं'
विउव्वित्तए ? हंता पभू॥ से णं भंते ! कि इहगए पोग्गले परियाइत्ता विकुब्वइ ? तत्थगए पोग्गले परियाइत्ता विकुव्वइ ? अण्णत्थगए पोग्गले परियाइत्ता विक्व्वइ ? गोयमा! इहगए पोग्गले परियाइत्ता विकुव्वइ, नो तत्थगए पोग्गले परियाइत्ता विकुव्वइ, नो अण्णत्थगए पोग्गले परियाइत्ता विकुव्वइ । एवं २. एगवण्णं अणेगरूक ३. 'अणेगवण्णं एगरूवं ४. अणेगवण्णं अणेगरूवं
चउभंगो॥ १७०. असंवुडे णं भंते ! अणगारे बाहिरए पोग्गले अपरियाइत्ता पभू कालगं पोग्गलं
नीलगपोग्गलत्ताए परिणामेत्तए ? नीलगं पोग्गलं वा कालगपोग्गलत्ताए परिणामेत्तए ?
गोयमा ! नो इणद्वे समटे । परियाइत्ता पभू जाव - १७१. असंवुडे णं भंते ! अणगारे बाहिरए पोग्गले अपरियाइत्ता पभू निद्धपोग्गलं
लुक्खपोग्गलत्ताए परिणामेत्तए ? लुक्खपोग्गलं वा निद्धपोग्गलत्ताए परिणामेत्तए?
गोयमा ! नो इणद्वे समढे । परियाइत्ता पभू ।। १७२. से णं भंते कि इहगए पोग्गले परियाइत्ता परिणामेति ? तत्थगए पोग्गले
परियाइत्ता परिणामेति ? अण्णत्थगए पोग्गले परियाइत्ता परिणामेति ? गोयमा ! इहगए पोग्गले परियाइत्ता परिणामेति, नो तत्थगए पोग्गले परियाइत्ता परिणामेति, नो अण्णत्थगए पोग्गले परियाइत्ता परिणामेति ॥
१. सं० पा०-एगरूवं जाव हंता । २. सं० पा०—पोग्गले जाव विकुव्वइ । ३. सं० पा०-चउभंगो जहा छट्ठसए नवमे
उद्देसए तहा इह वि भाणियध्वं, नवरं अणगारे इहगयं च इहगते चेव पोग्गले परियाइत्ता
विकुब्वइ, सेसं तं चेव जाव लुक्खपोग्गलं निद्धपोग्गलत्ताए परिणामेत्तए। हंता पभू । से भंते ! कि इहगए पोग्गले परियाइत्ता जाव
नो अण्णत्थगए पोग्गले परियाइत्ता विकूब्वइ। ४. भ० ६।१६३-१६७ ।
Jain Education International
For Private & Personal Use Only
www.jainelibrary.org
