________________
सत्तमं सतं ( तइओ उद्देसो)
तइओ उद्देसो
वण्णस्सइ श्राहार-पदं
६२. वणस्सइक्काइया णं भंते ! कं कालं सव्वप्पाहारगा वा, सव्वमहाहारंगा वा भवंति ?
गोयमा ! पाउस - वरिसारत्तेसु णं एत्थ णं वणस्सइकाइया सव्वमहाहारगा भवंति, तदाणंतरं च णं सरदे, तदाणंतरं च णं हेमंते, तदाणंतरं च णं वसंते, तदाणंतरं च णं गिम्हे । गिम्हासु णं वणस्सइकाइया सव्वप्पाहारगा भवति ॥ ६३. जइ णं भंते! गिम्हासु वणस्सइकाइया सव्वाप्पाहारगा भवंति, कम्हाणं भंते! गिम्हासु बहवे वणस्सइकाइया पत्तिया, पुष्फिया, फलिया, हरियगरेरिज्जमाणा, सिरीए अतीव प्रतीव उवसोभेमाणा उवसोभेमाणा चिट्ठति ? गोयमा ! गिम्हासु णं बहवे उसिणजोणिया जीवा य, पोग्गला य वणस्स - काइयत्ताए वक्कमति, चयति उववज्जति । एवं खलु गोयमा ! गिम्हासु बहवे वणस्सइकाइया पत्तिया, पुष्फिया, फलिया, हरियगरेरिज्ज माणा, सिरीए प्रतीव प्रतीव उवसोभेमाणा - उवसोभेमाणा चिट्ठति ॥ ६४. से नूणं भंते ! मूला मूलजीवफुडा, कंदा कंदजीवफुडा', खंधा खंधजीवफुडा, तया तयाजीवफुडा, साला सालजीवफुडा, पवाला पवालजीवफुडा, पत्ता पत्तजीवकुडा, पुप्फा पुप्फजीवफुडा, फला फलजीवफुडा, बीया बीयजीवफुडा ? हंता गोयमा ! मूला मूलजीवफुडा जाव बीया बीयजीवकुडा ||
o
,
Jain Education International
६५. जइ णं भंते ! मूला मूलजीवफुडा जाव' बीया वीयजीवफुडा, कम्हा णं भंते ! वणस्सइकाइया आहारेति ? कम्हा परिणामेंति ?
1
गोयमा ! मूला मूलजीवफुडा पुढवीजीवपडिबद्धा तम्हा ग्राहारेंति, तम्हा परिणामेंति । कंदा कंदजीवफुडा मूलजीवपडिबद्धा, तम्हा ग्राहारेति तम्हा परिणामेंति । एवं जाव बीया बीयजीवफुडा फलजीवपडिबद्धा तम्हा आहारेंति, हा परिणाति ॥
१. किं ( कम ) ।
२. तद° (ब) ।
३. सरए ( अ ) ।
४. विक्कमति ( ( अ, क ); विउक्कमंति चयंति
(स) ।
२८३
५. सं० पा०- - पुफिया जाव चिट्ठति । ६. सं० पा० - कंदजीवफुडा जाव बीया ।
७. भ० ७।६४ ।
For Private & Personal Use Only
www.jainelibrary.org
