Page Text
________________
२७६
भगवई
२४.
साइमं पडिग्गाहेत्ता अमुच्छिए' 'अगिद्धे अगढिए प्रणझोववन्ने प्राहारमा ०. हारेइ, एस णं गोयमा ! वीतिगाले पाण.भोयणे । जे णं निग्गंथे वा निग्गंथी वा फासु-एसणिज्ज असण पाण खाइम साइमं ° पडिग्गाहेत्ता णो महयाअप्पत्तियं 'कोहकिलामं करेमाणे आहारमा हारेइ, एस णं गोयमा ! वीयधूमे पाण-भोयणे। जेणं निग्गंथे वा निग्गंथी वा फासु-एसणिज्जं असण-पाण-खाइम-साइमं ° पडिग्गाहेत्ता जहा लद्धं तहा आहारमाहारेइ, एस णं गोयमा ! संजोयणादोसविप्पमुक्के पाण-भोयणे। एस णं गोयमा ! वीतिगालस्स, वीयधूमस्स, संजोयणादोसविप्पमुक्कस्स पाणभोयणस्स अट्ठ पण्णत्ते ॥ अह भंते ! खेत्तातिक्कंतस्स, कालातिक्कंतस्स, मग्गातिक्कंतस्स, पमाणातिक्कंतस्स पाण-भोयणस्स के अद्वे पण्णत्ते ? गोयमा ! जे णं निग्गंथे वा निग्गंथी वा फासु-एसणिज्ज असण-पाण-खाइमसाइमं अणुग्गए सूरिए पडिग्गाहेत्ता उग्गए सूरिए आहारमाहारेइ, एस णं गोयमा ! खेत्तातिक्कते' पाण-भोयणे। जे णं निग्गंथे वा निग्गंथी वा फासु-एसणिज्जं असणं-पाण-खाइम ° -साइमं पढमाए पोरिसीए पडिग्गाहेत्ता पच्छिमं पोरिसि उवाइणावेत्ता आहारमाहारेइ एस णं गोयमा ! कालातिक्कंते पाण-भोयणे । जे णं निग्गंथे वा निग्गंथी वा फासु-एसणिज्ज असण-पाण-खाइम ° -साइम पडिग्गाहेत्ता परं अद्धजोयणमेराए वीइक्कमावेत्ता' आहारमाहारेइ, एस णं गोयमा ! मग्गातिक्कते पाण-भोयणे। जेणं निग्गंथे वा निग्गंथी वा फासु-एसणिज्ज असण-पाण-खाइम साइम पडिग्गाहेत्ता परं बत्तीसाए कुक्कुडिअंडगपमाणमेत्ताणं कवलाणं आहारमाहारेइ, एस णं गोयमा ! पमाणातिक्कते पाण-भोयणे । अट्ट कुक्कुडिअंडगपमाणमेत्ते कवले आहारमाहारेमाणे अप्पाहारे, दुवालस
कुक्कुडिअंडगपमाणमेत्ते कवले आहारमाहारेमाणे अवड्ढोमोयरिए", सोलस १. सं० पा०-अमुच्छिए जाव आहारेइ। ७. उवायणा (अ, म)। २. सं० पा०—निग्गंथे वा जाव पडिग्गाहेत्ता। ८. सं० पा०-निग्गंथे वा जाव साइमं । ३. स. पा०-महयाअप्पत्तियं जाव आहारेइ। ६. वीइक्कमावइत्ता (स)। ४. सं० पा०-निग्गंथे वा जाव पडिग्गाहेत्ता। १०. निग्गंथो (क, ता, स)। ५. क्षेत्र-सूर्यसंबन्धितापक्षेत्र दिनमित्यर्थः । तद. ११. सं० पा०-एसणिज्जं जाव साइमं ।
तिकान्तं यत् तत् क्षेत्रातिकान्तम् (वृ)। १२. साधर्भवतीति गम्यम् । ६. सं० पा०-निग्गंथे वा जाव साइमं । १३. अवड्ढोमोयरिया (अ, ता)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |