________________
२७२
भगवई
लोगसंठाण-पदं ३. किसंठिए णं भंते ! लोए पण्णत्ते ?
गोयमा ! सुपइट्ठगसंठिए लोए पण्णत्ते–हेट्ठा विच्छिण्णे', 'मज्झे संखित्ते, उप्पि विसाले ; अहे पलियंकसंठिए, मज्झे वरवइरविग्गहिए, उप्पि उद्धमुइंगाकारसंठिए। तंसि च णं सासयंसि लोगंसि हेट्ठा विच्छिण्णंसि जाव उप्पि उद्धमइंगाकारसंठियं सि उप्पण्णनाण-दसणधरे अरहा जिणे केवली जीवे वि जाणइ-पासइ, अजीवे वि जाणइ-पासइ, तो पच्छा सिज्झइ' 'बुज्झइ मुच्चइ परिनिव्वाइ
सव्वदुक्खाणं° अंतं करेइ । समणोवासगस्स किरिया-पदं ४. समणोवासगस्स णं भंते ! सामाइयकडस्स समणोवस्सए अच्छमाणस्स तस्स ___णं भंते ! कि रियावहिया' किरिया कज्जइ ? संपराइया किरिया कज्जइ ?
गोयमा ! नो रियावहिया किरिया कज्जइ, संपराइया किरिया कज्जइ ।। ५. से केणटेणं भंते ! एवं वुच्चइ–नो रियावहिया किरिया कज्जइ ? • संपरा
इया किरिया कज्जइ? गोयमा ! समणोवासयस्स णं सामाइयकडस्स समणोवस्सए अच्छमाणस्स पाया अहिगरणी भवइ, आयाहिगरणवत्तियं च णं तस्स नो रियावहिया किरिया
कज्जइ, संपराइया किरिया कज्जइ । से तेणटेणं ।। समणोवासगस्स प्रणाउट्टिहिंसा-पदं ६. समणोवासगस्स णं भंते ! पुवामेव तसपाणसमारंभे पच्चक्खाए भवइ, पढवि
समारंभे अपच्चक्खाए भवइ । से य पुढवि खणमाणे अण्णयरं तसं पाणं विहिसेज्जा, से णं भंते ! तं वयं अतिचरति ?
नो इण? समढे, नो खलु से तस्स अतिवायाए प्राउट्टति ।। ७. समणोवासगस्स णं भंते ! पुवामेव वणप्फइसमारंभे पच्चक्खाए । से य पुढवि
खणमाणे अण्णय रस्स रुक्खस्स मूलं छिदेज्जा, से णं भंते ! तं वयं अतिचरति ? नो इणढे समढे, नो खलु से तस्स अतिवायाए प्राउट्टति ।।
१. सं० पा०--विच्छिण्णे जाव उप्पि।
५. अत्थ (अ, ब, म, स)। २. तंसि (अ); तंसि तेसि (ता); तस्सि (म)। ६. इरिया ° (क, ता)। ३. सं० पा०-सिज्झइ जाव अंतं ।
७. सं० पा०- केरणद्वेणं जाव संपराइया। ४. समणोवासए (क, स)।
Jain Education International
For Private & Personal Use Only
www.jainelibrary.org
