________________
२४२
भगवई
४२. नाणावरणिज्जं णं भंते ! कम्मं कि पज्जत्तए बंधइ ? अपज्जत्तए बंधइ ?
नोपज्जत्तए नोअपज्जत्तए बंधइ ? गोयमा ! पज्जत्तए भयणाए, अपज्जत्तए बंधइ। नोपज्जत्तए नोअपज्जत्तए न बंधइ।
एवं आउगवज्जायो सत्त वि । आउगं हेट्ठिल्ला दो भयणाए, उवरिल्ले न बंधइ॥ ४३. नाणावरणिज्जं णं भंते ! कम्मं किं भासए बंधइ ? अभासए बंधइ ?
गोयमा ! दो वि भयणाए।
एवं वेदणिज्जवज्जाओ सत्त वि । वेदणिज्जं भासए बंधइ, अभासए भयणाए । ४४. नाणावरणिज्ज णं भंते ! कम्मं कि परित्ते बंधइ ? अपरित्ते बंधइ ? नोपरित्ते
नोअपरित्ते बंधइ ? गोयमा ! परित्ते भयणाए, अपरित्ते बंधइ। नोपरित्ते नोअपरित्ते न बंधइ। एवं आउगवजारो सत्त कम्मप्पगडीअो । आउयं परित्ते
वि, अपरित्ते वि भयणाए, नोपरित्ते नोअपरित्ते न बंधइ॥ ४५. नाणावरणिज्जं णं भंते ! कम्मं किं आभिणिबोहियनाणी बंधइ ? सुयनाणी
बंधइ ? अोहिनाणी बंधइ ? मणपज्जवनाणी बंधइ ? केवलनाणी बंधइ ? गोयमा ! हेट्ठिल्ला चत्तारि भयणाए । केवलनाणी न बंधइ । एवं वेदणिज्जवज्जानो सत्त वि । वेदणिज्जं हेटिल्ला चत्तारि बंधंति. केवल
नाणी भयणाए । ४६. नाणावरणिज्ज णं भंते ! कम्मं कि मइअण्णाणी बंधइ ? सुयअण्णाणी बंधइ ?
विभंगनाणी बंधइ ?
गोयमा ! आउगवज्जास्रो सत्तवि बंधंति, आउगं भयणाए ।। ४७. नाणावरणिज्ज णं भंते ! कम्म कि मणजोगी बंधइ ? वइजोगी' बंधइ ?
कायजोगी बंधइ ? अजोगी बंधइ ? गोयमा ! हेट्ठिल्ला तिण्णि भयणाए, अजोगी न बंधइ। एवं वेदणिज्जवज्जानो सत्त वि । वेदणिज्जं हेट्ठिल्ला बंधंति, अजोगी न बंधइ।। नाणावरणिज्जं णं भंते ! कम्मं कि सागारोवउत्ते' बंधइ ? अणागारोव उत्ते बंधइ ?
गोयमा ! अट्ठसु वि भयणाए । ४६. नाणावरणिज्ज णं भंते ! कम्मं कि आहारए बंधइ ? अणाहारए बंधइ ?
गोयमा ! दो वि भयणाए। एवं वेदणिज्जाउगवज्जाणं छण्हं । वेदणिज्ज आहारए बंधइ, अणाहारए भय
णाए । आउए आहारए भयणाए, अणाहारए न बंधइ ॥ १. आउए (अ, ब, स)।
३. सागारोवयुत्ते (अ, स)। २. वय° (म, स)।
Jain Education International
For Private & Personal Use Only
www.jainelibrary.org
