Page Text
________________
२३४
भगवई
सुवामत राए चेव, सुपरिकम्मतराए चेव ; जे वा से वत्ये कद्दमरागरत्ते ? जे वा से वत्थे खंजणरागरते ? भगवं ! तत्थ णं जे से कद्दम रागरत्ते, से णं वत्थे दुद्धोयतराए चेव, दुवामतराए चेव, दुप्परिकम्मतराए चेव, एवामेव गोयमा ! नेरइयाणं पावाइं कम्माइं गाढीकयाई, चिक्कणीकयाई, सिलिट्टीकयाई, खिलीभूताई" भवति । संपगाढं पिय णं ते वेदणं वेदेमाणा नो महानिज्जरा, नो महापज्जवसाणा भवंति । से जहा वा केइ पुरिसे अहिगरणि प्राउडेमाणे महया-महया सद्देणं, महया-महया घोसेणं, महया-महया परंपराधाएणं नो संचाएइ तीसे अहिगरणीए केइ अहाबायरे पोग्गले परिसाडित्तए, एवामेव गोयमा ! नेरइयाणं पावाइं कम्माइं गाढीकयाई, चिक्कणीकयाइं, सिलिट्ठीकयाइं, खिलीभूताई भवंति। संपगाढं पि य णं ते वेदणं वेदेमाणा नो महानिज्जरा,° नो महापज्जवसाणा भवंति । भगवं ! तत्थ जे से खंजण रागरत्ते, से णं वत्थे सुद्धोयतराए चेव, सुवामतराए चेव, सुपरिकम्मतराए चेव, एवामेव गोयमा ! समणाणं निग्गंथाणं अहाबायराई कम्माइं सिढिलीकयाइं, निट्ठियाइं कयाई", विप्परिणामियाइं खिप्पामेव विद्धस्थाइं भवंति। जावतियं तावतियं पिणं ते वेदणं वेदेमाणा महानिज्जरा, महापज्जवसाणा भवंति । से जहानामए केइ पुरिसे सुक्कं तणहत्थयं जायतेयंसि पक्खिवेज्जा, से नणं गोयमा! से मुक्के तणहत्थए जायतेयंसि पक्खित्ते समाणे खिप्पामेव मसमसाविज्जति ? हंता मसमसाविज्जति । एवामेव गोयमा ! समणाणं निग्गंथाणं अहाबायराइं कम्माइं९, सिढिलीकयाई, निट्रियाइं कयाइं, विप्परिणामियाइं खिप्पामेव विद्धत्थाई भवंति । जावतियं तावतियं पि णं ते वेदणं वेदेमाणा महानिज्जरा,° महापज्जवसाणा भवंति। से जहानामए केइ पुरिसे तत्तंसि अयकवल्लसि उदगबिंदु:२ •पक्खिवेज्जा, से नणं गोयमा ! से उदगबिंदु तत्तंसि अयकवल्लसि पक्खित्ते समाणे खिप्पामेव विद्धंसमागच्छइ ? '
हंता विद्धंसमागच्छइ । १. से वत्थे (क, ब, म)।
७. सं० पा०-गाढीकयाइं जाव नो। २. भंते (ब, म)।
८. ° सागाइं (अ, स)। ३. X (अ)।
९. से वत्थे (अ, क, ता, ब, म, स)। ४. सिढिलीकयाइं (म, स)।
१०. कडाइं (अ, क, ता, ब, म, स)। ५. खिलीकयाई (अ, स)।
११. सं० पा०-कम्माइं जाव महा । ६. आकोडेमाणे (अ, क, ता, ब, म, स)। १२. सं० पा०-उदगबिदुं जाव हंता।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |