________________
२३१
पंचमं सतं (नवमो उद्देसो) २५०. एवं जाव' पंचिदियतिरिक्खजोणियाणं ॥ २५१. अस्थि णं भंते ! मणुस्साणं इहगयाणं एवं पण्णायते', तं जहा--समया इ वा
जाव' उस्सप्पिणी इ वा ?
हंता अत्थि ॥ २५२. से केणटेणं? गोयमा ! इहं तेसि माणं, इहं तेसिं पमाणं, इहं चेव' तेसि एवं
पण्णायते, तं जहा-समया इ वा जाव उस्सप्पिणी इ वा । से तेण?णं ॥ २५३. वाणमंतर-जोइस-वेमाणियाणं जहा ने रइयाणं ।। पासावच्चिज्ज-पदं २५४. तेणं कालेणं तेणं समएणं पासावच्चिज्जा थेरा भगवंतो जेणेव समणे भगवं
महावीरे तेणेव उवागच्छंति, उवागच्छित्ता समणस्स भगवो महावीरस्स अदूरसामते ठिच्चा एवं वयासी–से नणं भंते ! असंखेज्जे लोए अणंता राइंदिया उपज्जिसु वा, उप्पज्जति वा, उप्पज्जिस्संति वा? विच्छिसुवा, विगच्छंति वा, विगच्छिस्संति वा ? परित्ता राइंदिया उपज्जिसू वा, उप्पज्जति वा, उप्पज्जिस्संति वा ? विच्छिंसु वा, विगच्छंति वा, विगच्छिस्संति वा ?
हंता अज्जो ! असंखेज्जे लोए अणंता राइंदिया तं चेव ॥ २५५. से केणद्वेणं जाव विगच्छिस्संति वा?
से नणं भे अज्जो ! पासेणं अरहया पुरिसादाणिएणं सासए लोए बुइए-अणादीए प्रणवदग्गे परित्ते परिवुडे हेट्ठा विच्छिण्णे, मज्झे संखित्ते, उप्पि विसाले, अहे पलियंकसंठिए, मज्झे वरवइरविग्गहिए, उप्पि उद्धमुइंगाकारसंठिए । तेसि च णं सासयंसि लोगंसि प्रणादियंसि अणवदग्गंसि परित्तंसि परिवुडंसि हेट्ठा विच्छिण्णंसि, मज्झे संखित्तंसि, उप्पि विसाल सि, अहे पलियंकसंठियं सि, मझे वरवइरविग्गहियसि, उप्पिउद्धमुइंगाकारसंठियसि अणंता जीवघणा उप्पज्जित्ताउप्पज्जित्ता निलीयंति, परित्ता जीवघणा उप्पज्जित्ता-उप्पज्जित्ता निलीयंति । से भूए' उप्पण्णे विगएपरिणए, अजीवेहि लोक्कइ पलोक्कइ, जे लोक्कइ से लोए? हंता भगवं ! से तेणढेणं अज्जो ! एवं वुच्चइ-असंखेज्जे लोए अणंता राइंदिया तं चेव ।
१. पू०प० २। २. पण्णायति (अ, क, ब, म);पण्णायइ ता। ३. ठा० २।३८७-३८६ । ४. ठा० २।३८७-३८६ ।
५. भ० ५।२४८-२४६ । ६. विगिच्छुिसु (अ, ता, म)। ७. नूरणं (स)।
Jain Education International
For Private & Personal Use Only
www.jainelibrary.org
