________________
२२०
भगवई १७१. एगपएसोगाढे णं भंते ! पोग्गले निरेए कालगो केवच्चिरं होइ ?
गोयमा ! जहण्णणं एगं समयं, उक्कोसेणं असंखेज्ज कालं । एवं जाव असंखेज्ज
पएसोगाढे ॥ १७२. एगगुणकालए णं भंते ! पोग्गले कालो केवच्चिरं होइ ?
गोयमा ! जहण्णणं एगं समयं, उक्कोसेणं असंखेज्ज कालं । एवं जाव अणंतगुणकालए। एवं वण्ण-गंध-रस-फास जाव' अणंतगुणलुक्खे। एवं सुहुमपरिणए पोग्गले, एवं
बादरपरिणए पोग्गले ।। १७३. सद्दपरिणए णं भंते ! पोग्गले कालो केवच्चिरं होइ ?
गोयमा ! जहण्णणं एग समयं, उक्कोसेणं आवलियाए असंखेज्जइभागं ।। १७४. असद्दपरिणए' •णं भंते ! पोग्गले कालो केवच्चिरं होइ ?
गोयमा ! जहण्णेणं एग समयं, उवकोसेणं असंखेज्ज काल ° ।। परमाणु-खंधाणं अंतरकाल-पदं १७५. परमाणुपोग्गलस्स णं भंते ! अंतरं कालयो केवच्चिरं होइ ?
गोयमा ! जहण्णणं एगं समयं, उक्कोसेणं असंखेज्जं कालं ॥ १७६. दुप्पएसियस्स णं भंते ! खंधस्स अंतरं कालो केवच्चिरं होइ ?
गोयमा ! जहण्णेणं एगं समयं, उक्कोसेणं अणंतं कालं । एवं जाव अणंतपएसियो। १७७. एगपएसोगाढस्स णं भंते ! पोग्गलस्स सेयस्स अंतरं कालो केवच्चिरं होइ ?
गोयमा ! जहण्णेणं एगं समयं, उक्कोसेणं असंखेज्जं कालं । एवं जाव असंखेज्जपएसोगाढे ॥ एगपएसोगाढस्स णं भंते । पोग्गलस्स निरेयस्स अंतरं कालो केवच्चिरं होइ ? गोयमा ! जहण्णेणं एगं समयं, उक्कोसेणं प्रावलियाए असंखेज्जइभागं । एवं जाव असंखेज्जपएसोगाढे । वण्ण-गंध-रस-फास-सुहुमपरिणय-बायरपरिणयाणं-एतेसि 'जं चेव' संचिट्ठणा
तं चेव अंतरं पि भाणियब्वं ।। १७९. सद्दपरिणयस्स णं भंते ! पोग्गलस्स अंतरं कालो केवच्चिरं होइ ?
गोयमा ! जहण्णणं एगं समयं, उक्कोसेणं असंखेज्जं कालं ।। १८०. असद्दपरिणयस्स णं भंते ! पोग्गलस्स अंतरं कालो केवच्चिरं होइ ?
गोयमा ! जहण्णेणं एगं समयं, उक्कोसेणं आवलियाए असंखेज्जइभागं ।।
३. जच्चेव (अ, क, ता, ब, म)। २. सं० पा०-असद्दपरिणए जहा एगगुण- ४. भ० ५।१७२ ।
कालए।
Jain Education International
For Private & Personal Use Only
www.jainelibrary.org
