________________
२१८
भगवई
गोयमा ! अत्थेगइए विणिहायमावज्जेज्जा, अत्थेगइए नो विणिहायमावज्जेज्जा। से णं भंते ! उदगावत्तं वा उदगबिंदु वा प्रोगाहेज्जा ? हंता प्रोगाहेज्जा। से णं भंते ! तत्थ परियावज्जेज्जा ?
गोयमा ! अत्थेगइए परियावज्जेज्जा, अत्थेगइए नो परियावज्जेज्जा ॥ परमाणु-खंधाणं सग्रड्ढसमज्झादि-पदं १६०. परमाणुपोग्गले णं भंते ! कि सअड्डे' समझे सपएसे ? उदाहु अणड्ढे अमझे
अपएसे?
गोयमा ! अणड्ढे अमझे अपएसे, नो सअड्ढे नो समझे नो सपएसे ।। १६१. दुप्पएसिए णं भंते ! खंधे कि सअड्ढे समझे सपएसे ? उदाहु अणड्ढे अमज्झे
अपएसे ?
गोयमा ! सअड्ढे अमज्झे सपएसे, नो अणड्ढे नो समझे नो अपएसे ।। १६२. तिप्पएसिए णं भंते ! खंधे पुच्छा।
गोयमा ! अणड्ढे समज्झे सपएसे, नो सअड्ढे नो अमझे नो अपएसे ॥ १६३. जहा दुप्पएसियो तहा जे समा ते भाणियव्वा, जे विसमा ते जहा तिप्पएसियो
तहा भाणियव्वा ॥ १६४. संखेज्जपएसिए णं भंते ! खंधे कि सड्ढे ? पुच्छा।
गोयमा ! सिय सअड्ढे अमज्झे सपएसे, सिय अणड्ढे समज्झे सपएसे।
जहा संखेज्जपएसियो तहा असंखेज्जपएसियो वि, अणंतपएसियो वि ।। परमाणु-खंधारणं परोप्परं फुसणा-पदं १६५. परमाणपोग्गले णं भंते ! परमाणपोग्गलं फसमाणे कि
१. देसेणं देसं फुसइ २. देसेहिं देसे फुसइ ३. देसेणं सव्वं फुसइ ४. देसेहिं देसे फुसइ ५. देसेहिं देसे फुसइ ६. देसेहिं सव्वं फुसइ ७. सव्वेणं देसं फुसइ ८. सव्वेणं देसे फुसइ ६. सव्वेणं सव्वं फुसइ ? गोयमा ! १. नो देसेणं देसं फुसइ २. नो देसेणं देसे फुसइ ३. नो देसेणं सव्वं फुसइ ४. नो देसेहिं देसं फुसइ ५. नो देसेहिं देसे फुसइ ६. नो देसेहि सव्वं
१. सअद्धे (ब)। २. उआहु (ब)। ३. (१) देशेन देशम्
(२) देशेन देशान् (३) देशेन सर्वम् (४) देशैः देशम्
(५) देशैः देशान् (६) देशैः सर्वम् (७) सर्वेण देसम् ।
(८) सर्वेण देशान् (8) सर्वेण सर्वम् ।
Jain Education International
For Private & Personal Use Only
www.jainelibrary.org
