Page Text
________________
जार
पंचमं सतं (चउत्थो उद्देसो)
२०५ ६८. केवली णं भंते ! चरिमकम्मं वा, चरिमणिज्जरं वा जाणइ-पासइ?
हंता' जाणइ पासइ ।। ६६. जहा णं भंते ! केवली चरिमकम्मं वा, चरिमणिज्जरं वा जाणइ-पासइ, तहा णं
छउमत्थे वि चरिमकम्मं वा, चरिमणिज्जरं वा जाणइ-पासइ ? गोयमा ! णो इणढे समढें । सोचा जाणइ-पासइ, पमाणतो वा । जहा गं
अंतकरणं पालावगो तहा चरिमकम्मेण वि अपरिसे सियो नेयम्वो ॥ केवलीरणं पणीय-मरण-वइ-पदं १००. केवली णं भंते ! पणीयं मणं वा, वई वा धारेज्जा ?
हंता धारेज्जा । १०१. जण्णं' भंते ! केवली पणीयं मणं वा, वइं वा धारेज्जा, तण्णं' वेमाणिया देवा
जाणंति-पासंति ?
गोयमा ! अत्थेगतिया जाणंति-पासंति, अत्थेगतिया ण जाणंति, ण पासंति ।। १०२. से केण?णं भंते ! एवं वुच्चइ–अत्थेगतिया जाणंति-पासंति, प्रत्थेगतिया ण
जाणंति °, ण पासंति ? गोयमा ! वेमाणिया देवा दुविहा पण्णत्ता, तं जहा-माइमिच्छादिट्ठी उववण्णागा य, अमाइसम्मदिट्ठीउववण्णगा य । तत्थ गं जे ते माइमिच्छादिट्टी उववण्णगा ते ण जाणंति ण पासंति । 'तत्थ णं जे ते अमाइसम्मदिट्ठोउववण्णगा ते णं जाणंति-पासंति। से केणट्रेणं ? गोयमा ! अमाइसम्मदिट्ठी दुविहा पण्णता, तं जहा-अणंतरोववण्णगा य, परंपरोवण्णगा य । तत्थ णं जे ते अणंत रोववण्णगा ते ण जाणंति, ण पासंति । तत्थ णं जे ते परंपरोववण्णगा ते णं जाणंति-पासंति । से केणद्वेणं ? गोयमा ! परंपरोववण्णगा दुविहा पण्णत्ता, तं जहा–अपज्जत्तगा य, पज्जत्तगा य । तत्थ गं जे ते अपज्जत्तगा ते ण जाणंति, ण पासंति । तत्थ णं जे ते पज्जत्तगा ते णं जाणंति-पासंति । से केणटेणं ? गोयमा ! पज्जत्तगा दुविहा पण्णत्ता, तं जहा-अणुवउत्ता य उवउत्ता य । तत्थ णं जे ते अणवत्ता ते ण जाणंति, ण पासंति । तत्थ णं जे ते उवउत्ता ते णं जाणंति-पासंति । से तेणटेणं गोयमा ! एवं वुच्चइ–अत्थेगतिया जाणंति-पासंति, अत्यंगतिया ण जाणंति, ण पासंति'" ।।
१. गोयमा (अ, म); हंता गोयमा (स)। २. अंतकरणं वा (म, स)। ३. भ० ५।६६, ६७ । ४. जणं (ता); जहा णं (म, स)।
५. तं रणं (क, ता, ब, म)। ६. सं० पा०-केण?णं जाव रण। ७. एवं अरणंतर परंपर पज्जत्त अपज्जत्ता य
उवउत्ता अणुवउत्ता। तत्थ णं जे ते उवउत्ता
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |