Page Text
________________
पंचमं सत (चउत्यो उद्देसो)
२०३ ___ संपेहेत्ता उट्ठाए उढेइ, उद्वेत्ता जेणेव समणे भगवं महावीरे तेणेव उवागच्छइ
जाव' पज्जुवासइ॥ गोयमादि ! समणे भगवं महावीरे भगवं गोयम एवं वयासी–से नूणं तव गोयमा ! झाणंतरियाए वट्टमाणस्स इमेयारूवे अज्झथिए जाव' जेणेव मम अंतिए तेणेव हव्वमागए, से नूणं गोयमा ! अढे' समढे ? हंता अत्थि । तं गच्छाहि णं गोयमा ! एए चेव देवा इमाइं एयारूवाइं वागर
णाई वागरेहिति ॥ ८७. तए णं भगवं गोयमे समणेणं भगवया महावीरेणं अब्भणुण्णाए समाणे समणं
भगवं महावीरं वंदइ नमसइ, जेणेव ते देवा तेणेव पहारेत्थ गमणाए॥ ८८. तए णं ते देवा भगवं गोयमं एज्जमाणं पासंति, पासित्ता हट्ठ तुट्ठचित्तमाणंदिया
णंदिया पीइमणा परमसोमणस्सिया हरिसवसविसप्पमाण हियया खिप्पामेव अब्भुटुंति, अब्भुटेत्ता खिप्पामेव अब्भुवगच्छंति जेणेव भगवं गोयमे तेणेव उवागच्छंति जाव नमंसित्ता एवं वयासी-एवं खलु भंते ! अम्हे महासुक्कायो कप्पारो महासामाणाप्रो विमाणाओ दो देवा महिड्ढिया जाव" महाणुभागा समणस्स भगवो महावीरस्स अंतियं पाउब्भूया। तए णं अम्हे समणं भगवं महावीरं वंदामो नमसामो, वंदित्ता नमंसित्ता मणसा चेव इमाइं एयारूवाई वागरणाइं पुच्छामो–कइ णं भंते ! देवाणुप्पियाणं अंतेवासीसयाइं सिज्झिहिंति जाव" अंतं करेहिति ? तए णं समणे भगवं महावीरे अम्हेहि मणसा पुढे अम्ह२ मणसा चेव इमं एयारूवं वागरणं वागरेइ-एवं खलु देवाणप्पिया ! मम सत्त अंतेवासीसयाइं जाव अंतं करेहिति । तए णं अम्हे समजेणं भगवया महावीरेणं मणसा चेव पटेणं मणसा चेव इमं एयारूवं वागरणं वागरिया समाणा समणं भगवं महावीरं वंदामो नमसामो जाव' पज्जुवासामो त्ति कटु भगवं गोयम
वंदंति नमसंति, वंदित्ता नमंसित्ता जामेव दिसं पाउन्भूया तामेव दिसि पडिगया।। देवाणं नोसंजयवत्तव्वया-पदं ८९. भंतेति ! भगवं गोयमे समणं भगवं महावीरं वंदति नमंसति जाव" एवं वयासी
-देवा णं भंते ! संजया ति वत्तव्वं सिया ?
१. भ० १।१०। २. भ० ५।८५। ३. अत्थे (अ, क, ता, स)। ४. समत्थे (अ)। ५. इज्जमाणं (ब)। ६. सं० पा०-हट्ट जाव हियया । ७. पच्चुवगच्छंति २ (अ, क, ता, स)।
८. भ० १११०। ६. महासग्गाओ (स)। १०. भ० ३।४। ११. भ० २।७३ । १२. अम्हे (क, म)। १३. भ० २।३० । १४. भ० १।१०।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |