________________
१६६
भगवई
इहभवियाउयस्स पडिसंवेदणयाए परभवियाउयं पडिसंवेदेइ, परभवियाउयस्स पडिसंवेदणयाए इहभवियाउयं पडिसंवेदेइ । एवं खलु एगे जीवे एगेणं समएणं दो आउयाइं पडिसंवेदेइ, तं जहा - इहभविया
उयं च, परभवियाउयं च ।। ५८. से कहमेयं भंते ! एवं ?
गोयमा ! जण्णं तं अण्णउत्थिया तं चेव जाव परभवियाउयं च। जे ते एवमाहंसु तं मिच्छा, अहं पुण गोयमा ! एवमाइक्खामि भासामि पण्णवेमि परूवेमि–से जहानामए जालगंठिया सिया - 'ग्राणुपुबिगढिया अणंतरगढिया परंपरगढिया अण्णमण्णगढिया, अण्णमण्णगरुयत्ताए अण्णमण्णभारियत्ताए अण्णमण्णगरुय-संभारियत्ताए ° अण्णमण्णघडताए चिट्ठति, एवामेव एगमेगस्स जीवस्स बहूहिं आजातिसहस्सेहिं बहूइं आउयसहस्साइं प्राणुपुब्विगढियाइं जाव चिट्ठति । एगे वि य णं जीवे एगेणं समएणं एग आउयं पडिसंवेदेइ, तं जहा-इहभवियाउयं वा, परभवियाउयं वा । जं समयं इहभवियाउयं पडिसंवेदेइ, नो तं समयं परभवियाउयं पडिसंवेदेइ । जं समयं परभवियाउयं पडिसंवेदेइ, नो तं समयं इहभवियाउयं पडिसंवेदेइ । इहभवियाउयस्स पडिसंवेदणाए, नो परभवियाउयं पडिसंवेदेइ । परभवियाउयस्स पडिसंवेदणाए, नो इहभवियाउयं पडिसंवेदेइ । एवं खलु एगे जीवे एगेणं समएणं एगं आउयं पडिसंवेदेइ, तं जहा-इहभवियाउयं वा, परभवियाउयं वा ॥
साउयसंकमण-पदं ५६. जीवे णं भंते ! जे भविए नेरइएसु उववज्जित्तए, से णं भंते ! कि साउए
संकमइ ? निराउए संकमइ ?
गोयमा ! साउए संकमइ, नो निराउए संकमइ ।। ६०. से णं भंते ! पाउए' कहि कडे ? कहिं समाइण्णे ?
गोयमा ! पुरिमे भवे कडे, पुरिमे भवे समाइण्णे ।। ६१. एवं जाव वेमाणियाणं दंडअो । ६२. से नणं भंते ! जे 'जं भविए जोणि" उववज्जित्तए, से तमाउयं पकरेइ, तं
१. सं० पा०—सिया जाव अण्णमण्णघडताए। ४. विभक्तिपरिणामाद् यो यस्यां योनावुत्पत्तुं २. आउगे (ता)।
योग्य इत्यर्थः (व)। ३. पू० प० २।
Jain Education International
For Private & Personal Use Only
www.jainelibrary.org
