________________
पंचमं रात (पढमो उद्देसो)
१८६
हंता गोयमा ! जया णं जंबुद्दीवे दीवे दाहिणड्ढे वासाणं पढमे समए पडिवज्जइ,
तह चेव जाव पडिवज्जइ ।। १४. जया णं भंते ! जंबूहीवे दीवे मंदरस्स पव्वयस्स पत्थिमे णं वासाणं पढमे समए
पडिवज्जइ. तया णं पच्चत्थिमे ण वि वासाणं पढमे समए पडिवज्जइ; जया णं पच्चत्थिमे णं वासाणं पढमे समए पडिवज्जइ, तया णं' 'जंबुद्दीवे दीवे ° मंदरस्स पव्वयस्स उत्तर-दाहिणे णं अगंतरपच्छाकडसमयंसि वासाणं पढमे समए पडिवन्ने भवइ ? हंता गोयमा ! जया णं जंबुद्दीवे दीवे मंदरस्स पव्वयस्स पुरथिमे णं एवं चेव
उच्चारेयव्वं जाव पडिवन्ने भवइ । १५. एवं जहा समएणं अभिलावो भणियो वासाणं तहा आवलियाएवि भाणियव्वो ।
आणापाणूणवि', थोवेणवि, लवेणवि, मुहत्तणवि, अहोरत्तेणवि, पक्खेणवि,
मासेणवि, उऊणवि । एएसि सव्वेसिं जहा समयस्स अभिलावो तहा भाणियव्वो।। १६. जया णं भंते ! जंबुद्दीवे दीवे मंदरस्स पव्वयस्स दाहिणड्ढे हेमंताणं पढमे समए
पडिवज्जइ, जहेव वासाणं अभिलावो तहेव हेमंताण वि, गिम्हाण वि भाणियव्वो जाव' उऊए । एवं तिण्णि वि । एएसि तीसं आलावगा भाणियव्वा ॥
जंबुद्दीवे अयणादि-वत्तव्वया-पदं १७. जया णं भंते ! जंबुद्दोवे दीवे मंदरस्स पव्वयस्स दाहिणड्ढे पढमे अयणे पडि
वज्जइ, तया णं उत्तरड्ढे वि पढमे अयणे पडिवज्जइ, जहा समएणं अभिलावो तहेव अयणेण वि भाणियव्वो जाव' अगंतरपच्छाकडसमयंसि पढमे अयणे
पडिवन्ने भवइ॥ १८. जहा अयणेणं अभिलावो तहा संवच्छरेण वि भाणियव्वो । जुएण वि, वास
सएण वि, वाससहस्सेण वि, वाससयसहस्सेण वि, पुव्वंगेण वि, पुव्वेण वि, तुडियंगेण वि, तुडिएण वि–एवं पुव्वंगे, पुव्वे, तुडियंगे, तुडिए, अडडंगे, अडडे, अववंगे, अववे', हूहूयंगे, हूहूए, उप्पलंगे, उप्पले, पउमंगे, पउमे, नलिणंगे, नलिणे, अत्थणिउरंगे, अत्थणिउरे, अउयंगे, अउए, णउयंगे, णउए, पउयंगे पउए, चूलियंगे, चूलिया, सीसपहेलियंगे सीसपहेलिया-पलिग्रोवमेण, सागरोवमेण वि भाणियव्वो ॥
१. सं० पा०–तयारणं जाव मंदरस्स । २. पाणूएण (व)। ३. भ० ५।१३-१५ ।
४. भ० ५।१३, १४ । ५. अपपे (ब, म)।
Jain Education International
For Private & Personal Use Only
www.jainelibrary.org
