Page Text
________________
तइयं सतं (बीओ उद्देसो)
१५५ इह संपत्ते इहेव अज्ज उवसंपिज्जत्ता णं विहरामि । तं गच्छामो णं देवाणुप्पिया। समणं भगवं महावीरं वंदामो नमसामो जाव' पज्जुवासामो त्ति कटु चउसट्ठीए सामाणियसाहस्सोहि जाव' सव्विड्ढोए जाव' जेणव असोगवरपायवे, जेणव मम अंतिए तेणेव उवागच्छइ, उवागच्छित्ता ममं तिक्खुत्तो आयाहिण-पयाहिणं 'करेत्ता वंदेता ° नमंसित्ता एवं वयासि-एवं खलु भंते ! मए तुब्भं नीसाए सक्के देविदे देवराया सयमेव अच्चासाइए। 'तए णं तेणं परिकुविएणं समाणेणं मम वहाए वज्जे निसटे । तं भद्दण्णं भवतु देवाणुप्पियाणं जस्सम्हि पभावेणं अकिटे 'अव्वहिए अपरिताविए इहमागए इह समोसढे इह संपत्ते इह अज्ज उवसंपज्जित्ता णं' विहरामि । तं खाममि णं देवाणु प्पिया ! • खमंतु णं देवाणुप्पिया ! खंतुमरिहंति णं देवाणुप्पिया ! नाइ भुज्जो एवं करणयाए त्ति कटु ममं वंदइ नमसइ, वंदित्ता नमंसित्ता° उत्तरपुरत्थिमं दिसीभागं अवक्कमइ, अवक्कमित्ता जाव वत्तीसइंबद्धं नट्टविहिं उवदंसेइ, उवदंसेत्ता जामेव दिसि पाउब्भूए तामेव
दिसि पडिगए॥ १३०. एवं खलु गोयमा ! चमरेणं असुरिदेणं असुररण्णा सा दिव्वा देविड्ढी •दिव्वा
देवज्जुती दिव्वे देवाणुभागे लद्धे पत्ते° अभिसमण्णागए। ठिई सागरोवमं महा
विदेहे वासे सिज्झिहिइ जाव" अंतं काहिइ ।।। १३१. किपत्तियं णं भंते ! असुरकुमारा देवा उड्ढं उप्पयंति जाव सोहम्मो कप्पो ?
गोयमा ! तेसि णं देवाणं अहणोववण्णाण१२ वा चरिमभवत्थाण वा इमेयारूवे अज्झथिए१३ •चितिए पत्थिए मणोगए संकप्पे समुप्पज्जइ-अहो ! णं अम्हेहि दिव्वा देविड्ढी जाव"अभिसमण्णागए, जारिसिया णं अम्हेहि दिव्वा देविड्ढी जाव अभिसमण्णागए, तारिसिया णं सक्केणं देविदेणं देवरण्णा दिव्वा देविड्ढी जाव अभिसमण्णागए। जारिसिया णं सक्केणं देविदेणं देवरण्णा जाव अभिसमण्णागए, तारिसिया णं अम्हेहि वि जाव अभिसमण्णागए। तं गच्छामो णं सक्कस्स देविंदस्स देवरण्णो अंतियं पाउब्भवामो पासामो ताव सक्कस्स देविंदस्स देवरण्णो दिव्वं देविड्ढि जाव अभिसमण्णागयं, पासउ ताव अम्ह वि सक्के देविदे देवराया
१. भ० २।३० । २. भ० ३।४। ३. राय० सू०५८ । ४. सं० पा०–पयाहिणं जाव नमंसित्ता। ५. सं० पा०-अच्चासाइए जाव तं। ६. सं० पा०–अकिट्ठे जाव विहरामि। ७. सं० पा०-देवाणुप्पिया जाव उत्तर ।
८. राय० स०६५-१२० । ६. बत्तीसविह (क)। १०. सं० पा०-देविड्ढी जाव अभि । ११. भ० २।७३ । १२. अहणोववण्ण गाण (अ, ब)। १३. सं० पा०-अज्झत्थिए जाव समुप्पज्जइ। १४. भ० ३।१३० ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |