Page Text
________________
१५२
भगवई वज्जे निसट्टे । तए णं ममं इमेयारूवे अज्झथिए' चिंतिए पत्थिए मणोगए संकप्पे ° समुप्पज्जित्था-नो खलु पभू चमरे असुरिंदे असुरराया', 'नो खलु समत्थे चमरे असुरिंदे असुरराया, नो खलु विसए चमरस्स असुरिंदस्स असुररण्णो अप्पणो निस्साए उडढं उप्पइत्ता जाव सोहम्मो कप्पो, नण्णत्थ अरहते वा, अरहंतचेइयाणि वा, अणगारे वा भाविअप्पाणो नीसाए उड्ढं उप्पयइ जाव सोहम्मो कप्पो, तं महादुक्खं खलु तहारूवाणं अरहंताणं भगवंताणं अणगाराण य अच्चासायणाए त्ति कटु अोहि पउंजामि, देवाणुप्पिए प्रोहिणा आभोएमि, आभोएत्ता हा ! हा ! अहो ! हतो अहमंसि त्ति कटु ताए उक्किट्ठाए जाव जेणेव देवाणुप्पिए तेणेव उवागच्छामि, देवाणुप्पियाणं चउरंगुलमसंपत्तं वज्जं पडिसाहरामि, वज्जपडिसाहरणट्टयाए णं इहमागए इह समोसढे इह संपत्ते इहव अज्ज उवसंपज्जित्ता णं विहरामि । तं खामेमि णं देवाणप्पिया ! खमंतु णं देवाणुप्पिया! खंतुमरिहंति णं देवाणुप्पिया ! नाई भुज्जो एवं करणयाए" त्ति कटु ममं वंदइ नमसइ, वंदित्ता नमंसित्ता उत्तरपुरस्थिमं दिसीभागं अवक्कमइ, वामेणं पादेणं तिक्खुत्तो भूमि विदलेइ, विदलेत्ता चमरं असुरिदं असुररायं एवं वदासि-मुक्को सिणं भो चमरा ! असुरिंदा ! असुरराया ! समणस्स भगवो महावीरस्स पभावेणं-नाहि ते दाणि" ममातो भयमस्थि
त्ति कटु जामेव दिसि पाउब्भूए तामेव दिसिं" पडिगए । ११७. भंतेति ! भगवं गोयमे समणं भगवं महावीरं वंदइ, नमसइ, वंदित्ता नमंसित्ता
एवं वदासी-देवे णं भंते ! महिड्ढीए जाव" महाणुभागे पुत्वामेव पोग्गलं खिवित्ता पभू तमेवं अणुपरियट्टित्ता णं गेण्हित्तए ?
हंता पभू ॥ ११८. से केणटेणं५ •भंते ! एवं वुच्चइ-देवे णं महिड्ढीए जाव' महाणभागे पुवामेव
पोग्गलं खिवित्ता पभू तमेव अणुपरियट्टित्ता णं° गेण्हित्तए ?
गोयमा ! पोग्गले णं खित्ते" समाणे पुवामेव सिग्घगई भवित्ता ततो पच्छा १. निसि? (अ, स)।
१०. भे (ब)। २. सं० पा०-अज्झथिए जाव समुप्पजित्था। ११. इदाणि (क, म) । ३. सं० पा०—तहेव जाव ओहिं ।
१२. ममतो (अ, क)। ४. भ० ३।११५।
१३. दिसं (ता, ब, म)। ५. मरुहंतु (अ, स)।
१४. भ० ३।४। ६. नाइं (ता, ब)।
१५. सं० पा०–केण?णं जाव गेण्हित्तए। ७. पकरणयाए (वृ, स)।
१६. भ० ३।४। म. दालेइ (अ, क, ब, स), दलइ (म)। १७. खित्ते णं (अ); विखित्ते (स)। ६. णाहिं (अ, क, ता); नहि (ब)। १८. सिग्घागई (ब)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |