Page Text
________________
१४८
भगवई जं णं ममं इमाए एयारूवाए दिव्वाए देविड्ढीए' दिव्वाए देवज्जुतीए ° 'दिव्वे देवाणुभावे लद्धे पत्ते अभिसमण्णागए'२ उप्पि अप्पुस्सुए दिव्वाइं भोगभोगाई भंजमाणे विहरइ-एवं संपेहेइ, संपेहेत्ता सामाणियपरिसोबवण्णए देवे सद्दावेइ, सद्दावेत्ता एवं वयासी-केस णं एस देवाणुप्पिया ! अपत्थियपत्थए जाव
दिव्वाइं भोगभोगाइं भंजमाणे विहरइ? ११०. तए णं ते सामाणियपरिसोववण्णगा देवा चमरेणं असुरिंदेणं असुररण्णा एवं वुत्ता
समाणा हट्टतुटु' चित्तमाणंदिया णंदिया पीइमणा परमसोमणस्सिया हरिसवसविसप्पमाण हियया करयलपरिग्गहियं दसनहं सिरसावत्तं मत्थए अंजलि कटु जएणं विजएणं वद्धावेंति, वद्धावेत्ता एवं वयासी-एस णं देवाणुप्पिया ! सक्के
देविदे देवराया जाव' दिव्वाई भोगभोगाइं भुंजमाणे विहरइ ।। १११. तए णं से चमरे असुरिंदे असुरराया तेसि सामाणियपरिसोववण्णगाणं देवाणं
अंतिए एयमढे सोच्चा निसम्म आसुरुत्ते' रुटे कुविए चंडिक्किए मिसिमिसेमाणे ते सामाणियपरिसोववण्णगे देवे एवं वयासी-अण्णे खलु भो! से सक्के दोवदे देवराया, अण्णे खलु भो ! से चमरे असुरिंदे असुरराया, महिड्ढीए खलु भो ! से सक्के देविदे देवराया, अप्पिड्ढीए खलु भो ! से चमरे असुरिंदे असुरराया, तं इच्छामि णं देवाणुप्पिया ! सक्कं देविदं देवरायं सयमेव अच्चासाइत्तए' त्ति कटु उसिणे उसिणभूए जाए यावि होत्था । तए णं से चमरे असुरिंदे असुरराया ओहिं पउंजइ', पउंजित्ता ममं प्रोहिणा आभोएइ, आभोएत्ता इमेयारूवे अज्झथिए चितिए पत्थिए मणोगए संकप्पे समुप्पज्जित्था-एवं खलु समणे भगवं महावीरे जंबूदीवे दीवे भारहे वासे सुसुमारपुरे" नयरे असोगसंडे१२ उज्जाणे असोगवरपायवस्स अहे पुढविसिलावट्टयंसि अट्ठमभत्तं पगिण्हित्ता एगराइयं महापडिमं उवसंपज्जित्ता णं विहरत्ति, तं सेयं खलु मे समणं भगवं महावीरं णीसाए सक्कं देविदं देवरायं सयमेव अच्चासाइत्तए त्ति कटु एवं संपेहेइ, संपेहेत्ता सयणिज्जायो अब्भुटेइ, अन्भुटेत्ता देवदूसं परिहेइ, परिहेत्ता जेणेव सभा सुहम्मा जेणेव चोप्पाले पहरणकोसे
१. सं० पा०-देवड्ढीए जाव दिव्वे । २. एतान्यपि अत्र सप्तम्यन्तानि पदानि
विद्यन्ते । ३. सं० पा०-हट्ठ तुट्ठ जाव हियया। ४. भ० ३।१०६ । ५. आसुरत्ते (अ, ब)। . अच्चासादेत्तए (अ, ता, ब, स)।
७. पयुंजइ (ता)। ८. आलोएइ (ब)। ६. अतोग्रे 'तस्स' इति पदमध्याहार्यम् । १०. सं० पा०-अज्झथिए जाव समुप्पज्जित्था । ११. सुसमारपुरे (स)। १२. ० वरणसंडे (अ, क, ता, ब, म, स)। १३. सत्तणिज्जाओ (ता)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |