Page Text
________________
तइयं सतं (पढमो उद्देसो)
१२७ गोयमा ! सक्के गं देविंदे देवराया महिड्ढीए जाव' महाणुभागे । से णं बत्तीसाए विमाणावाससयसहस्साणं, चउरासीए सामाणियसाहस्सीणं, "तायत्तीसाए तावत्तीसगाणं, चउण्हं लोगपालाणं अट्ठणहं अग्गमहिसीणं सपरिवाराणं, तिण्हं परिसाणं सत्तण्हं अणियाणं, सत्तण्हं अणियाहिवईणं°, चउण्हं चउरासीणं आयरक्खसाहस्सीणं, अण्णेसि च जाव' विहरइ । एमहिड् ढए जाव' एवतियं च णं पभू विकुवित्तए, एवं जहेव चमरस्स तहेव भाणियंव्वं, नवरं-दो केवलकप्पे जंबुद्दीवे दीवे, अवसेसं तं चेव । एस णं गोयमा ! सक्कस्स देविंदस्स देवरण्णो इमेयारूवे विसए विसयमेत्ते'
बुइए, नो चेव णं संपत्तीए विकुव्विसु वा विकुव्वति वा विकुव्विस्सति वा ॥ १७. जइ णं भंते ! सक्के देविंदे देवराया एमहिड्ढीए जाव एवतियं च णं पभू
विकुवित्तए, एवं खलु देवाणुप्पियाणं अंतेवासि तीसए नाम अणगारे पगइभद्दए •पगइउवसंते पगइपयणुकोहमाणमायालोभे मिउमद्दवसंपन्ने अल्लीणे विणीए छटुंछद्रेणं अणिक्खित्तेणं तवोकम्मेणं अप्पाणं भावेमाणे बहुपडिपुण्णाई अट्ट संवच्छराइं सामण्णपरियागं पाउणित्ता, मासियाए संलेहणाए अत्ताणं झूसेत्ता, सद्धि भत्ताइं अणसणाए छेदेत्ता पालोइय-पडिक्कते समाहिपत्ते कालमासे कालं किच्चा सोहम्मे कप्पे सयंसि विमाणंसि उववायसभाए देवसयणिज्जसि देवदूसंतरिए अंगूलस्स असंखेज्जइभागमेत्तीए" प्रोगाहणाए सक्कस्स देविंदस्स देवरण्णो सामाणियदेवत्ताए उवण्णे । तए णं तीसए देवे अहुणोववण्णमेत्ते समाणे पंचविहाए पज्जत्तीए पज्जत्तिभावं१२ गच्छइ [तं जहा-आहारपज्जत्तीए, सरीरपज्जत्तीए, इंदियपज्जत्तीए, आणापाणपज्जत्तीए, भासा-मणपज्जत्तीए तए णं तं तीसयं देवं पंचविहाए पज्जत्तीए पज्जत्तिभावं" गयं समाणं सामाणियपरिसोववण्णया देवा करयलपरिग्गहियं दसनहं सिरसावत्तं मत्थए अंजलि कटु जएणं विजएणं वद्धाविति वद्धावित्ता एवं वयासी-ग्रहो णं देवाणुप्पिएहिं
१. भ० ३।४। २. चउरासीतीए (क, ता, म)। ३. सं० पा.--सामाणियसाहस्सीणं जाव
चउण्हं । ४. भ० ३।४। ५. भ० ३।४। ६. भ० ३।४-७ । ७. विसयमेते णं (म, स)।
८. भ० ३।४। ६. सं० पा०-पगइभद्दए जाव विणीए । १०. मासिय (क, ब)। ११. असंखेज्जभाग° (अ, ब); असंखेज्जभागमे
त्ताए (स)। १२. पज्जत्तभावं (ता)। १३. असो कोष्ठकत्तिपाठो व्याख्यांश :प्रतीयते ? १४. पज्जत्तभावं (अ, स)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |