Page Text
________________
१२४
भगवई जाव' महाणुभागायो । तानो णं तत्थ साणं-साणं भवणाणं, साणं-साणं सामाणियसाहस्सीणं, साथ-साणं महत्तरियाणं', साणं-साणं परिसाणं जाव एमहिड्ढीयाओ।
अण्णं जहा लोगपालाणं अपरिसेसं । ८. सेवं भंते ! सेवं भंते ! त्ति भगवं.दोच्चे गोयमे समणं भगवं महावीरं वंदइ नमसइ,
वंदित्ता नमंसित्ता जेणेव तच्चे गोयमे वायुभूती अणगारे तेणेव उवागच्छइ, उवागच्छित्ता तच्चं गोयमं वायुभूति अणगारं एवं वदासि—एवं खलु गोयमा ! चमरे असुरिंदे असुरराया एमहिड्ढोए तं चेव एवं सव्वं अपुट्ठवागरणं नेयव्वं
अपरिसेसियं जाव अग्गमहिसीणं वत्तव्वया समत्ता। ६. तेणं से तच्चे गोयमे वायुभूती अणगारे दोच्चस्स गोयमस्स अग्गिभूतिस्स अणगारस्स
एवमाइक्खमाणस्स भासमाणस्स पण्णवेमाणस्स परूवेमाणस्स एयमटुं नो सद्दहइ नो पत्तियइ नो रोएइ, एयमटुं असद्दहमाणे अपत्तियमाणे अरोएमाणे उठाए उटेइ, उद्वेत्ता जेणेव समणे भगवं महावीरे तेणेव उवागच्छइ जाव पज्जुवासमाणे एवं वयासी-एवं खल भंते ! दोच्चे गोयमे अग्गिभई अणगारे ममं एवमाइक्खइ भासइ पण्णवेइ परूवेइ–एवं खलु गोयमा ! चमरे असुरिंदे असुरराया महिड्ढीए जाव" महाणुभागे । से णं तत्थ चोत्तीसाए भवणावाससयसहस्साणं तं चेव सव्वं
अपरिसेसं भाणियव्वं जाव" अग्गमहिसीणं वत्तव्वया समत्ता। १०. से कहमेयं भंते ! एवं ?
गोयमादि ! समणे भगवं महावीरे तच्चं गोयमं वायुभूति अणगारं एवं वयासीजं णं गोयमा ! तव दोच्चे गोयमे अग्गिभूई अणगारे एवमाइक्खइ भासइ पण्णवेइ परूवेइ–एवं खलु गोयमा ! चमरे असुरिंदे असुरराया महिड्ढीए तं चेव सव्वं जाव" अग्गमहिसीओ । सच्चे णं एसमढ़े। अहं पि णं गोयमा ! एवमाइक्खामि भासामि पण्णवेमि परूवेमि-एवं खलु गोयमा ! चमरे असुरिंदे असुरराया महिड्ढीए" तं चेव जाव अग्गमहिसीअो । 'सच्चे णं एसमटे ।
१. भ० ३।४। २. महाणुभावाओ (ता)। ३. मयहरिया ° (अ, ब)। ४. भ० ३।४। ५. X (क, ता, म)। ६. अपरिसेसं (अ, क, स)। ७. भ० ३।४-७ । ८. भ० १११०। ६. एमहिड्ढीए (अ, क, ता, ब)।
१०. भ० ३।४। ११. भ० ३।४-७ । १२. अग्गमहिसीओ (अ, क, ता, ब)। १३. भ० ३।४-७। १४. महिड्ढीए सो चेव बितिओ गमो भारिण
यन्वो (अ, ब, म, स)। १५. भ० ३।४-७।। १६. सच्चमेसे अट्टे (अ, क, ता, ब) ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |