________________
बीअं सतं (दसमो उद्देसो)
११७ भगवं ! नो खंडे दूसे, सगले दूसे। खंडे आयुहे ? सगले आयुहे ? भगवं ! नो खंडे आयुहे, सगले आयुहे। खंडे मोदए ? सगले मोदए ? भगवं ! नो खंडे मोदए, सगले मोदए ।° से तेणटेणं गोयमा ! एवं वुच्चइएगे धम्मत्थिकायपदेसे नो धण्मत्थिकाए त्ति वत्तव्वं सिया जाव एगपदेसूणे वि
य णं धम्मत्थिकाए नो धम्मत्थिकाए त्ति वत्तव्वं सिया ॥ १३४. से किंखाइ णं भंते ! धम्मत्थिकाए त्ति वत्तव्वं सिया ?
गोयमा ! असंखेज्जा धम्मत्थिकायपदेसा, ते सव्वे कसिणा पडिपुण्णा निरवसेसा
एकग्गहणगहिया–एस णं गोयमा ! धम्मत्थिकाए त्ति वत्तव्वं सिया । १३५. एवं अधम्मत्थिकाए वि। आगासत्थिकाय-जीवत्थिकाय-पोग्गलत्थिकाया वि
एवं चेव, नवरं-तिण्हं पि पदेसा अणंता भाणियव्वा । सेसं तं चेव ।। जीवत्त-उवदंसण-पदं १३६. जीवे णं भंते ! सउट्ठाणे सकम्मे सबले सवोरिए सपुरिसक्कार-परक्कमे
आयभावेणं जीवभावं उवदंसेतीति वत्तव्वं सिया ? हंता गोयमा ! जीवे णं सउट्ठाणे 'सकम्मे सबले सवीरिए सपुरिसक्कार
परक्कमे आयभावेणं जीवभावं° उवदंसेतीति वत्तव्वं सिया ॥ १३७. से केण?ण भंते ! एवं वुच्चइ-जीवे णं सउढाणे सकम्मे सवले सवीरिए
सपरिसक्कार-परक्कमे अायभावेणं जीवभाव उवदंसेतीति वत्तव्वं सिया? गोयमा ! जीवे णं प्रणताणं आभिणिबोहियनाणपज्जवाणं, अणंताणं सूयनाणपज्जवाणं, अणंताणं अोहिनाणपज्जवाणं, अणताणं मणपज्जवनाणपज्जवाणं, अणंताणं केवलनाणपज्जवाणं, अणंताणं मइअण्णाणपज्जवाणं, अणंताणं सुयअण्णाणपज्जवाणं, अणंताणं विभंगनाणपज्जवाणं, अणंताणं चक्खुदंसणपज्जवाणं, अणंताणं अचक्खुदंसणपज्जवाणं, अणंताणं अोहिदसणपज्जवाणं, अणंताणं केवलदसणपज्जवाणं उवयोगं गच्छइ । उवप्रोगलक्खणे णं जीवे । से एएणद्वेणं एवं वुच्चइ-गोयमा ! जीवे णं सउढाणे सकम्मे सबले सवीरिए सपुरिसक्कार-परक्कमे प्रायभावेणं जीवभाव उवदंसेतीति ° वत्तव्वं सिया ।
१. आउहे (क, ब)। २. मोयए (अ, क, ब, स)। ३. किंखाइए (ता)।
४. सं० पा०-सउटाणे जाव उवदंसेतीति । ५. सं० पा०-केरगट्ठरणं जाव वत्तत्वं । ६. सं० पा०–सउट्ठाणे जाव वत्तव्वं ।
Jain Education International
For Private & Personal Use Only
www.jainelibrary.org
