________________
बीअं सतं (पंचमो उद्देसो) १११. तहारूवं णं भंते ! समणं वा माहणं वा पज्जुवासमाणस्स किंफला
पज्जुवासणा? गोयमा ! सवणफला। से णं भंते ! सवणे किंफले ? नाणफले । से णं भंते ! नाणे किंफले ? विण्णाणफले। से णं भंते ! विण्णाणे किंफले ? पच्चक्खाणफले । से णं भंते ! पच्चक्खाणे किंफले ? संजमफले। से णं भंते ! संजमे किंफले ? अणण्हयफले। से णं भंते ! अणण्ढए किंफले। तवफले। से णं भंते ! तवे किंफले ? वोदाणफले। से णं भंते ! वोदाणे किंफले ? अकिरियाफले । सा णं भंते ! अकिरिया किंफला ?
सिद्धिपज्जवसाणफला-पण्णत्ता गोयमा ! संगहरणी-गाहा
सवणे नाणे य विण्णाणे, पच्चक्खाणे य संजमे ।
अणण्हए तवे चेव, वोदाणे अकिरिया सिद्धी ।।१।। उण्हजलकुंड-पदं ११२. अन्नउत्थिया णं भंते ! एवमाइक्खंति, भासंति, पण्णवेंति, परूवेति-एवं खलू
रायगिहस्स नयरस्स बहिया वेभारस्स पव्वयस्स अहे, एत्थ णं महं एगे हरए' अघे पण्णत्ते-अणेगाइं जोयणाई आयाम-विक्खंभेणं, नाणादुमसंडमंडिउद्देसे,
सस्सिरीए पासादीए दरिसणिज्जे अभिरूवे ° पडिरूवे । तत्थ णं बहवे ओराला १. ° हरगे (ता)।
३. सं० पा०---सस्सिरीए जाव पडिरूवे । २. अप्पे (अ, क, ब, म, स); क्वचित्तु हरए त्ति
न दृश्यते 'अघ' इत्यस्य च स्थाने 'अप्पे' त्ति दृश्यते (वृ)।
Jain Education International
For Private & Personal Use Only
www.jainelibrary.org
