Page Text
________________
बीयं सतं (पढमो उद्देसो)
एवं खलु अहं इमेणं एयारूवेणं अोरालेणं' विउलेणं पयत्तेणं पग्गहिएणं कल्लाणेणं सिवेणं धन्नेणं मंगल्लेणं सस्सिरीएणं उदग्गेणं उदत्तेणं उत्तमेणं उदारेणं महाणुभागेणं तवोकम्मेणं सुक्के लुक्खे निम्मंसे अट्ठि-चम्मावणद्धे किडिकिडियाभूए° किसे धमणिसंतए' जाए। जीवंजीवेणं गच्छामि, जीवंजीवेणं चिट्ठामि', 'भासं भासित्ता वि गिलामि, भासं भासमाणे गिलामि, भासं भासिस्सामीति गिलामि। से जहानामए कट्ठसगडिया इ वा, पत्तसगडिया इ वा, पत्त-तिल-भंडगसगडिया इ वा, एरंडकट्ठसगडिया इ वा, इंगालसगडिया इ वा-उण्हे दिण्णा सुक्का समाणी ससदं गच्छइ, ससई चिट्ठइ°, एवामेव अहं पि ससई गच्छामि, ससई चिट्ठामि । तं अत्थि ता मे उट्ठाणे कम्मे बले वीरिए पुरिसक्कार-परक्कमे तं जावता मे अस्थि उट्ठाणे कम्मे बले वीरिए पुरिसक्कार-परक्कमे जाव य मे धम्मायरिए धम्मोवदेसए समणे भगवं महावीरे जिणे सुहत्थी विहरइ, तावता मे सेयं कल्लं पाउप्पभायाए रयणीए, फुल्लुप्पलकमलकोमलुम्मिलियम्मि अहपंडुरे पभाए, रत्तासोयप्पकासे, किसुय-सूयमूह-गंजद्धरागसरिसे, कमलागरसंडबोहए, उट्रियम्मि सूरे सहस्सरस्सिम्मि दिणयरे तेयसा जलते समणं भगवं महावीरं वंदित्ता नम सित्ता •णच्चासन्ने णातिदूरे सुस्सूसमाणे अभिमुहे विणएणं पंजलियडे पज्जुवासित्ता समणेणं भगवया महावीरेणं अब्भणुग्णाए समाणे सयमेव पंच महव्वयाणि आरोवेत्ता, समणा य समणीयो य खामेत्ता तहारूवेहिं थेरेहिं कडाईहिं सद्धिं विपुलं पव्वयं 'सणियं-सणियं" दुरुहित्ता मेहघणसंनिगासं देवसन्निवातं पुढवीसिलापट्टयं पडिलेहित्ता, दब्भसंथारगं संथरित्ता दब्भसंथारोवगयस्स संलेहणासणाझूसियस्स भत्तपाणपडियाइक्खियस्स पाअोवगयस्स कालं अणवकंखमाणस्स विहरित्तए त्ति कटु एवं संपेहेइ, संपेहेत्ता कल्लं पाउप्पभायाए रयणीए जाव उट्ठियम्मि सूरे सहस्सरस्सिम्मि दिणयरे तेयसा जलते जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खत्तो आयाहिण -पयाहिणं करेइ, करेत्ता वंदइ नमसइ, वदित्ता नमसित्ता णच्चासन्ने णातिदरे
सुस्सूसमाणे णमंसमाणे अभिमुहे विणएणं पंजलियडे ° पज्जुवासइ॥ १. उरालेणं (क, ता, म, स); सं० पा०- ६. ० प्पगासे (क); ° संकासे (ता)। ओरालेणं जाव किसे।
७. सं० पा०-नमंसित्ता जाव पज्जुवासित्ता। २. धवणि ° (क, ता, ब, म)।
८. सरिणतं सणितं (क)। ३. सं० पा०-चिट्ठामि जाव गिलामि जाव ६. दुहित्ता (क, म); दू हित्ता (ता); रुहित्ता ___ एवामेव।
(ब); दुरूहित्ता (स)। ४. रतणीए (ता)।
१०. मेघ० (अ)। ५. अहपंडरे (अ, ता, ब); अहापंडुरे (स)। ११. सं० पा०–महावीरे जाव पज्जुवासइ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |