________________
भगवई
११. वेहाणसे १२. गद्धपढे इच्चेतेणं खंदया ! दुवालसविहेणं बालमरणेणं मरमाणे जीवे अणंतेहि नेरइयभवग्गहणेहि अप्पाणंसंजोएइ, अणंतेहिं तिरियभवग्गहणेहि अप्पाणं संजोएइ, अणतेहिं मणुयभवग्गहणेहि अप्पाणं संजोएइ, अणंतेहिं देव भवग्गहणेहि अप्पाणं संजोएइ, अणाइयं च णं अणवदग्गं' चाउरतं संसारकतारं अणपरियट्टइ । सेत्तं मरमाणे वड्ढइ-वड्ढइ । सेत्तं बालमरणे। से कि तं पंडियमरणे ? पंडियमरणे दुविहे पण्णत्ते, तं जहा—पायोवगमणे य, भत्तपच्चक्खाणे य । से कि तं पाओवगमणे? पाअोवगमणे दुविहे पण्णत्ते, तं जहा–नीहारिमे य, अनीहारिमे य । नियमा अप्पडिकम्मे। सेत्तं पायोवगमणे। से कि तं भत्तपच्चक्खाणे? भत्तपच्चक्खाणे दुविहे पण्णत्ते, तं जहा-नीहारिमे य, अनीहारिमे य। नियमा सपडिकम्मे । सेत्तं भत्तपच्चक्खाणे । इच्चेतेणं खंदया ! दुविहेणं पंडियमरणेणं मरमाणे जीवे अणंतेहि नेरइयभवग्गहणेहि अप्पाणं विसंजोएइ', 'अणंतेहिं तिरियभवग्गहणेहि अप्पाणं विसंजोएइ, अणंतेहि मणुयभवग्गहणेहि अप्पाणं विसंजोएइ, अणंतेहिं देवभवग्गहणेहि अप्पाणं विसंजोएइ, प्रणाइयं च णं अणवदग्गं चाउरतं संसारकतारं० वीईवयइ । सेत्तं मरमाणे हायइ-हायइ ।। सेत्तं पंडियमरणे।
इच्चेएणं खंदया ! दुविहेणं मरणेणंमरमाणे जीवे वड्ढइ वा, हायइ वा ॥ ५०. एत्थ णं से खंदए कच्चायणसगोत्ते संबुद्धे समणं भगवं महावीरं वंदइ नमसइ,
वंदित्ता नमंसित्ता एवं वयासो-इच्छामि णं भंते ! तुब्भं अंतिए केवलिपण्णत्तं धम्म निसामित्तए।
अहासुहं देवाणुप्पिया ! मा पडिबंधं ॥ ५१. तए णं समणे भगवं महावीरे खंदयस्स कच्चायणसगोत्तस्स, तीसे य महइमहा
लियाए परिसाए धम्म परिकहेइ । धम्मकहा भाणियव्वा ।।
१. अरणवयग्गं (अ, ब); अणवइग्गं (म)। २. पाओय० (ता, म)।
३. सं० पा-विसंजोएइ जाव वीईवयइ। ४. ओ० सू० ७१-७७ ।
Jain Education International
For Private & Personal Use Only
www.jainelibrary.org
