________________
६६
पढमं सतं (नवमो उद्देसो)
हंता गोयमा ! अकोहत्तं प्रमाणत्तं' अमायत्तं प्रलोभत्तं समणाणं निग्गंथाणं
पसत्यं ।। कंखापदोस-पदं ४१६. से नणं भंते ! कंखापदोसे खीणे समणे निग्गंथे अंतकरे भवति, अंतिमसरीरिए
वा? बहुमोहे वि य णं पुदिव विहरित्ता अह पच्छा संवुडे कालं करेइ ततो पच्छा सिज्झति' 'बुज्झति मुच्चति परिनिव्वाति सव्वदुक्खाणं° अंतं करेति ? हंता गोयमा ! कंखापदोसे खीणे समणे निग्गंथे अंतकरे भवति, अंतिमसरीरिए वा। बहुमोहे वि य णं पुव्विं विहरित्ता अह पच्छा संवुडे कालं करेइ ततो पच्छा
सिज्झति बुज्झति मुच्चति परिनिव्वाति सव्वदुक्खाणं° अंतं करेति ॥ इह-पर-भवियाउय-पदं ४२०. अण्णउत्थिया णं भंते ! एवमाइक्खंति, एवं भासंति, एवं पण्णवेंति, एवं
परूवंति–एवं खलु एगे जीवे एगेणं समएणं दो आउयाइं पकरेति, तं जहाइहभवियाउयं च, परभवियाउयं च । जं समयं इहभवियाउयं पकरेति, तं समयं परभवियाउयं पकरेति । जं समयं परभवियाउयं पकरेति, तं समयं इहभवियाउयं पकरेति । इहभवियाउयस्स पकरणयाए परभवियाउयं पकरेति, परभवियाउयस्स पकरणयाए इहभवियाउयं पकरेति । एवं खलु एगे जीवे एगेणं समएणं दो आउयाई पकरेति, तं जहा-इहभवियाउयं
च, परभवियाउयं च ॥ ४२१. से कहमेयं भंते ! एवं ?
गोयमा ! जण्णं ते अण्णउत्थिया एवमाइक्खंति जाव एवं खलु एगे जीवे एगेणं समएणं दो आउयाइं पकरेति, तं जहा-इहभवियाउयं च, परभवियाउयं
च ।
जे ते एवमाहंसु मिच्छं ते एवमाहंसु। अहं पुण गोयमा ! एवमाइक्खामि', •एवं भासेमि, एवं पण्णवेमि, एवं° परूवेमि-एवं खलु एगे जीवे एगेणं समएणं
एगं आउयं पकरेति, तं जहा- इहभवियाउयं वा, परभवियाउयं वा । १. सं० पा०-अमारणत्त जाव पसत्थं । ६. ° आउगं (क)। २. अहा (अ, ता, ब, म)।
७. ° मेतं (ता, म); ° मेवं (स)। ३. सं० पा०—सिज्झति जाव अंतं ।
८. भ० १४२० । ४. कंख° (अ, ब, स)।
६. सं० पा०--एवमाइक्खामि जाव परूवेमि । ५. सं० पा०-खीरणे जाव अंत ।
Jain Education International
For Private & Personal Use Only
www.jainelibrary.org
