________________
चोतीसइमं सतं (बीओ उद्देसो)
१०१६ एगिदियाणं तुल्ल-विसेसाहिय-कम्मकरण-पदं ३९. एगिदिया णं भंते ! किं तुल्ल द्वितीया तुल्लविसेसाहियं कम्मं पकरेंति ? तुल्ल
द्वितीया वेमायविसेसाहियं कम्मं पकरेंति ? वेमायद्वितीया तुल्लविसेसाहियं कम्म पकरेंति ? वेमायद्वितीया वेमायविसेसाहियं कम्मं पकरेंति ? गोयमा ! अत्थेगइया तुल्ल द्वितीया तुल्लविसेसाहियं कम्मं पकरेंति, अत्थेगइया तुल्ल द्वितीया वेमायविसेसाहियं कम्मं पकरेंति, अत्थेगइया वेमायद्वितीया तुल्लविसेसाहियं कम्मं पकरेंति, अत्थेगइया वेमायद्वितीया वेमायविसेसाहियं कम्म पकरेंति ।। से केण?णं भंते ! एवं वुच्चइ-अत्थेगइया तुल्ल द्वितीया जाव वेमायविसेसाहियं कम्म पकरेंति ? गोयमा! एगिदिया चउव्विहा पण्णत्ता, तं जहा–अत्थेगइया समाउया समोववन्नगा, अत्थेगइया समाउया विसमोववन्नगा, अत्थेगइया विसमाउया समोववन्नगा, अत्थेगइया विसमाउया विसमोववन्नगा। तत्थ णं जे ते समाउया समोववन्नगा ते णं तुल्लद्वितीया तुल्लविसेसाहियं कम्म पकरेंति । तत्थ णं जे ते समाउया विसमोववन्नगा ते णं तूल्लद्वितोया वेमायविसेसाहियं कम्म पकरेंति । तत्थ णं जे ते विसमाउया समोववन्नगा ते णं वेमायद्वितीया तुल्लविसेसाहियं कम्म पकरेंति । तत्थ णं जे ते विसमाउया विसमोववन्नगा ते णं वेमायविसेसाहियं कम्मं पकरेति । से तेणटेणं गोयमा ! जाव वेमायविसेसाहियं
कम्म पकरेति ॥ ४१. सेवं भंते ! सेवं भंते ! त्ति जाव विहरति ।।
बीओ उद्देसो विसे सित-एगिदियाणं ठाणादि-पदं ४२. कइविहा णं भंते ! अणंतरोववन्नगा एगिदिया पण्णत्ता ?
गोयमा ! पंचविहा अणंतरोववन्नगा एगिदिया पण्णत्ता, तं जहा-पुढवि
क्काइया, दुयाभेदो जहा एगिदियसएसु जाव बादरवणस्सइकाइया य ।। ४३. कहि णं भंते ! अणंतरोववन्तगाणं बादरपुढविक्काइयाणं ठाणा पण्णत्ता?
गोयमा ! सट्टाणेणं अट्ठसु पुढवीसु, तं जहा-रयणप्पभाए जहा ठाणपदे जाव'
१.५०२।
Jain Education International
For Private & Personal Use Only
www.jainelibrary.org
