________________
छवीसइमं सतं
पढमो उद्देसो
नमो सुयदेवयाए भगवईए १. जीवा य २. लेस्स ३. पक्खिय, ४. दिट्टि ५. अण्णाण ६. नाण ७. सण्णायो।
८. वेय ६. कसाए १०. उवयोग ११. जोग एक्का रस वि ठाणा ॥१॥ जीवाणं लेस्सादिविसे सितजीवाणं च बंधाबंध-पदं १. तेणं कालेणं तेणं समएणं रायगिहे जाव' एवं वयासी-जीवा णं भंते ! पावं
कम्मं किं बंधी बंधइ बंधिस्सइ ? बंधी बंधइ न बंधिस्सइ ? बंधी न बंधइ बंधिस्सइ ? बंधी न बंधइ न बंधिस्सइ? गोयमा ! अत्थेगतिए बंधी बंधइ बंधिस्सइ, अत्थेगतिए बंधी बंधइन बंधिस्सह.
अत्थेगतिए बंधी न बंधइ बंधिस्सइ, अत्थेगतिए बंधी न बंधइ न बंधिस्सइ॥ २. सलेस्से णं भंते ! जीवे पावं कम्मं किं बंधी बंधइ बंधिस्सइ ? बंधी बंधइ न
बंधिस्सइ-पुच्छा।
गोयमा ! अत्थेगतिए बंधी बंधइ बंधिस्सइ, अत्थेगतिए एवं चउभंगो।। ३. कण्हले स्से णं भंते ! जीवे पावं कम्मं किं बंधी-पुच्छा।
गोयमा ! अत्थेगतिए बंधी बंधइ बंधिस्सइ, अत्थेगतिए बंधी बंधइ न बंधिस्सइ । एवं जाव पम्हलेस्से । सव्वत्थ पढम-वितियभंगा। सुक्कलेस्से जहा
सलेस्से तहेव चउभंगो॥ ४. अलेस्से णं भंते ! जीवे पावं कम्मं किं बंधी-पुच्छा ।
गोयमा ! बंधी न बंधइ न बंधिस्सइ ।। ५. कण्हपक्खिए णं भंते ! जीवे पावं कम्मं-पुच्छा।
गोयमा ! अत्थेगतिए बंधी, पढम-बितिया भंगा।
१. भ० ११४-१०।
२. बीया (ता)।
६७८
Jain Education International
For Private & Personal Use Only
www.jainelibrary.org
