________________
पंचवीसइमं सतं (सत्तमो उद्देसो)
६६७ गोयमा ! नो संखेज्जइभागे जहा' पुलाए । एवं जाव सुहमसंपराए । अहक्खाय
संजए जहा सिणाए॥ फुसणा-पदं ५४४. सामाइयसंजए णं भंते ! लोगस्स किं संखेज्जइभागं फुसइ० ? जहेव होज्जा
तहेव फुसइ॥ भाव-पदं ५४५. सामाइयसंजए णं भंते ! कयरम्मि भावे होज्जा ?
गोयमा ! खग्रोवसमिए भावे होज्जा । एवं जाव सुहुमसंपराए । ५४६. अहक्खायसंजए -- पुच्छा।
गोयमा ! उवसमिए वा खइए' वा भावे होज्जा ॥ परिमाण-पदं ५४७. सामाइयसंजया णं भंते ! एगसमएणं केवतिया होज्जा ?
गोयमा ! पडिवज्जमाणए य पडुच्च जहा कसायकुसीला तहेव निरवसेसं ॥ ५४८. छेदोवट्ठावणिया-पुच्छा।
गोयमा ! पडिवज्जमाणए पडुच्च सिय अत्थि सिय नत्थि । जइ अत्थि जहण्णेणं एक्को वा दो वा तिण्णि वा, उक्कोसेणं सयपुहत्तं । पुव्वपडिवण्णए पडुच्च सिय अत्थि सिय नत्थि। जइ अत्थि जहण्णेणं कोडिसयपुहत्तं, उक्कोसेण वि कोडि
सयपुहत्तं । परिहारविसुद्धिया जहा' पुलागा । सुहुमसंपराया जहा नियंठा ॥ ५४६. ग्रहक्खायसंजया णं-पुच्छा।
गोयमा ! पडिवज्जमाणए पडुच्च सिय अस्थि सिय नत्थि । जइ अत्थि जहण्णणं एक्को वा दो वा तिण्णि वा, उक्कोसेणं बावट्ठ सयं-अठ्ठत्तरसयं खवगाणं, चउप्पण्णं उवसामगाणं । पुव्वपडिवण्णए पडुच्च जहण्णेणं कोडिपुहत्तं, उक्को
सेण वि कोडिपुहत्तं ॥ अप्पाबहुयत्त-पदं yo. एएसि णं भंते ! सामाइय-छेग्रोवट्ठावणिय-परिहारविसुद्धिय-सूहमसंपराय
अहक्खायसंजयाणं कयरे कयरेहितो 'अप्पा वा ? बहुया वा ? तुल्ला वा ? • विसेसाहिया वा ?
१. भ० २५.४४०। २. भ. २५१४४१ । ३. खतिए (अ,क,ख,ब,म,स); खविए (ता)। ४. भ०२५२४४८ ।
५. भ० २५॥४४६ । ६. भ० २५१४४६ । ७. अट्ठसयं (क, ता, ब)। ८. सं० पा०–कयरेहितो जाव विसेसाहिया।
For Private & Personal Use Only
Jain Education International
www.jainelibrary.org
