________________
पंचवीसइमं सतं (सत्तमो उद्देसो) कप्प-पदं ४६१. सामाइयसंजए णं भंते ! किं ठियकप्पे होज्जा ? अट्ठियकप्पे होज्जा ?
गोयमा ! ठियकप्पे वा होज्जा, अट्ठियकप्पे वा होज्जा ॥ ४६२. छेदोवट्ठावणियसंजए-पुच्छा।
गोयमा ! ठियकप्पे होज्जा, नो अट्ठियकप्पे होज्जा। एवं परिहारविसुद्धिय
संजए वि । सेसा जहा सामाइयसंजए । ४६३. सामाइयसंजए णं भंते ! किं जिणकप्पे होज्जा ? थेरकप्पे होज्जा ? कप्पातीते
होज्जा ? गोयमा ! जिणकप्पे वा होज्जा, जहा' कसायकुसीले तहेव निरवसेसं । छेदो
वट्ठावणियो परिहारविसुद्धियो य जहा बउसो । सेसा जहा नियंठे ।। नियंठ-पदं ४६४. सामाइयसंजए णं भंते ! किं पुलाए होज्जा ? बउसे जाव सिणाए होज्जा ?
गोयमा ! पुलाए वा होज्जा, बउसे जाव कसायकुसीले वा होज्जा, नो नियंठे
होज्जा, नो सिणाए होज्जा । एवं छेदोवट्ठावणिए वि ॥ ४६५. परिहारविसुद्धियसंजए णं-पुच्छा।
गोयमा ! नो पुलाए, नो बउसे, नो पडिसेवणाकुसीले होज्जा; कसायकुसीले
होज्जा, नो नियंठे होज्जा, नो सिणाए होज्जा । एवं सुहुमसंपराए वि ।। ४६६. अहक्खायसंजए-पच्छा।
गोयमा ! नो पुलाए होज्जा जाव नो कसायकुसीले होज्जा, नियंठे वा होज्जा,
सिणाए वा होज्जा ॥ पडिसेवणा-पदं ४६७. सामाइयसंजए णं भंते ! किं पडिसेवए होज्जा? अपडिसेवए होज्जा ?
गोयमा ! पडिसेवए वा होज्जा, अपडिसेवए वा होज्जा। जइ पडिसेवए होज्जा -किं मूलगुणपडिसेवए होज्जा, सेसं जहा पुलागस्स । जहा सामाइय
संजए एवं छेदोवट्ठावणिए वि ।। ४६८. परिहारविसुद्धियसंजए—पुच्छा।
गोयमा ! नो पडिसेवए होज्जा, अपडिसेवए होज्जा । एवं जाव अहक्खायसंजए॥
१. भ० २५३०२। २. भ०२५।३०१ ।
३. भ० २५।३०३ । ४. भ. २५/३०८ ।
Jain Education International
For Private & Personal Use Only
www.jainelibrary.org
