________________
पंचवीसइमं सतं (छट्ठो उद्देसो) ४०७. णियंठे-पुच्छा।
गोयमा ! नियंठत्तं जहति । कसायकुसीलं वा सिणायं वा अस्संजमं वा उवसप
ज्जति ॥ ४०८. सिणाए-पुच्छा।
गोयमा ! सिणायत्तं जहति । सिद्धिगति उवसंपज्जति ।। सण्णा -पदं ४०६. पुलाए णं भंते ! कि सण्णोवउत्ते होज्जा ? नोसण्णोवउत्ते होज्जा ?
गोयमा ! नोसण्णोवउत्ते होज्जा ॥ ४१०. बउसे णं भंते !.
गोयमा ! सण्णोवउत्ते वा होज्जा, नो सण्णोवउत्ते वा होज्जा । एवं पडिसेवणा
कुसीले वि । एवं कसायकुसीले वि । नियंठे सिणाए य जहा पुलाए । आहार-पदं ४११. पुलाए णं भंते ! किं आहारए होज्जा ? अणाहारए होज्जा ?
___ गोयमा ! अाहारए होज्जा, नो अणाहारए होज्जा । एवं जाव नियंठे ॥ ४१२. सिणाए-पुच्छा।
गोयमा ! पाहारए वा होज्जा, अणाहारए वा होज्जा ॥ भव-पदं ४१३. पुलाए णं भंते ! कति भवग्गहणाइं होज्जा ?
गोयमा ! जहण्णेणं एक्कं, उक्कोसेणं तिण्णि ।। ४१४. बउसे–पुच्छा ।
गोयमा ! जहण्णेणं एक्क, उक्कोसेणं अट्ठ। एवं पडिसेवणाकुसीले वि । एवं
कसायकुसीले वि । नियंठे जहा पुलाए । ४१५. सिणाए-पुच्छा।
गोयमा! एक्कं ॥ आगरिस-पदं ४१६. पुलागस्स णं भंते ! एगभवग्गहणीया केवतिया आगरिसा पण्णत्ता ?
गोयमा ! जहणणं एक्को, उक्कोसेणं तिण्णि ।। ४१७. बउसस्स णं-पुच्छा।
गोयमा ! जहण्णेणं एक्को, उक्कोसेणं सतग्गसो। एवं पडिसेवणाकुसीले वि, कसायकुसीले वि॥
१. एवं कसाय° (ब)।
Jain Education International
For Private & Personal Use Only
www.jainelibrary.org
