________________
पंचवीसइमं सतं (छटो उद्देसो)
६३६ गोयमा ! सामाइयसंजमे वा होज्जा, छेप्रोवट्ठावणियसंजमे वा होज्जा, नो परिहारविसुद्धियसंजमे होज्जा, नो सुहुमसंपरागसंजमे होज्जा, नो अहक्खाय
संजमे होज्जा । एवं बउसे वि । एवं पडिसेवणाकुसीले वि ।। ३०५. कसायकुसीले णं-पुच्छा।
गोयमा ! सामाइयसंजमे वा होज्जा जाव सुहमसंपरागसंजमे वा होज्जा, नो
अहक्खायसंजमे होज्जा ।। ३०६. नियंठे णं-पूच्छा ।
गोयमा ! नो सामाइयसंजमे होज्जा जाव नो सुहुमसंपरागसंजमे होज्जा,
ग्रहक्खायसंजमे होज्जा । एवं सिणाए वि ।। पडिसेवणा-पदं ३०७. पुलाए णं भंते ! कि पडिसेवए होज्जा ? अपडिसेवए होज्जा ?
गोयमा ! पडिसेवए होज्जा, नो अपडिसेवए होज्जा ।। ३०८. जइ पडिसेवए होज्जा कि मूलगुणपडिसेवए होज्जा ? उत्तरगुणपडिसेवए
होज्जा? गोयमा ! मूलगुणपडिसेवए वा होज्जा, उत्तरगुणपडिसेवए वा होज्जा। 'मूलगुणे पडिसेवमाणे'' पंचण्हं पासवाणं अण्णयरं पडिसेवेज्जा, 'उत्तरगुणे
पडिसेवमाणे दसविहस्स पच्चक्खाणस्स अण्णयरं पडिसेवेज्जा ॥ ३०६. वउसे णं-पुच्छा।
गोयमा ! पडिसेवए होज्जा, नो अपडिसेवए होज्जा ।। ३१०. जइ पडिसेवए होज्जा किं मूलगुणपडिसेवए होज्जा ? उत्तरगुणपडिसेवए
होज्जा? गोयमा ! नो मूलगुणपडिसेवए होज्जा, उत्तरगुणपडिसेवए होज्जा। उत्तरगुणे पडिसेवमाणे दसविहस्स पच्चक्वाणस्स अण्णयरं पडिसेवेज्जा । पडिसेवणा
कुसीले जहा पुलाए। ३११. कसायकुसीले णं-पुच्छा।
गोयमा ! नो पडिसेवए होज्जा, अपडिसेवए होज्जा। एवं नियंठे' वि । एवं
सिणाए वि ॥ नाण-पदं ३१२. पुलाए णं भंते ! कतिसु नाणेसु होज्जा ?
गोयमा ! दोसु वा तिसु वा होज्जा । दोसु होमाणे दोसु आभिणिबोहियनाण
३. निग्गथे (स)।
१. मूलगुणपडि ° (क, म); २. उत्तरगुणपडि ° (अ, ख, ब, म) ।
Jain Education International
For Private & Personal Use Only
www.jainelibrary.org
