Page Text
________________
पढमं सतं (पंचमो उद्देसो) २१६. इमीसे णं भंते ! रयणप्पभाए पुढवीए तीसाए निरयावाससयसहस्सेसु एगमेगंसि
निरयावासंसि ने रइयाणं केवइया ठितिट्ठाणा पण्णत्ता ? गोयमा ! असंखेज्जा ठितिट्ठाणा पण्णत्ता, तं जहा—जहणिया ठिती, समयाहिया जहणिया ठिती, दुसमयाहिया जहण्णिया ठिती जाव असंखेज्ज
समयाहिया जहणिया ठिती । तप्पाउग्गुक्कोसिया ठिती ।। २१७. इमीसे णं भंते ! रयणप्पभाए पूढवीए तीसाए निरयावाससयसहस्सेस एगमेगंसि
निरयावासंसि जहण्णियाए ठितीए वट्टमाणा नेरइया किं-कोहोवउत्ता ? माणोवउत्ता ? मायोव उत्ता ? लोभोवउत्ता ? गोयमा ! सव्वे वि ताव होज्जा १. कोहोवउत्ता। २. अहवा कोहोवउत्ता य, माणोवउत्ते य । ३. अहवा कोहोवउत्ता य, माणोवउत्ता य । ४. अहवा कोहोवउत्ता य, मायोवउत्ते य। ५. अहवा कोहोवउत्ता य, मायोवउत्ता य'। ६. अहवा कोहोवउत्ता य, लोभोवउत्ते य। ७. अहवा कोहोवउत्ता य, लोभोवउत्ता य' । ८. अहवा कोहोवउत्ता य, माणोवउत्ते य, मायोवउत्ते य । ६. कोहोवउत्ता य, माणोवउत्ते य, मायोवउत्ता य । १०. कोहोवउत्ता य, माणोवउत्ता य, मायोवउत्ते य। ११. कोहोवउत्ता य, माणोवउत्ता य, मायोवउत्ता य। १२. कोहोवउत्ता य, माणोवउत्ते य, लोभोवउत्ते य । १३. कोहोव उत्ता य, माणोव उत्ते य, लोभोवउत्ता य । १४. कोहोवउत्ता य, माणोवउत्ता य, लोभोवउत्ते य। १५. कोहोव उत्ता य, माणोवउत्ता य, लोभोवउत्ता य। १६. कोहोवउत्ता य, मायोवउत्ता य, लोभोवउत्ते य। १७. कोहोवउत्ता य, मायोवउत्ते य, लोभोवउत्ता य। १८. कोहोवउत्ता य, मायोवउत्ता य, लोभोवउत्ते य । १६. कोहोवउत्ता य, मायोवउत्ता य, लोभोवउत्ता य। २०. कोहोवउत्ता य, माणोवउत्ते य,
१. 'म' प्रतौ-अतोने एवं माया वि लोभो वि
कोहेण भइयव्यो अथवा कोहोवउत्ता य माणोवउत्ते य मायोवउत्ते य पच्छा मारणेण लोभेण य पच्छा मायाए लोभेण य पच्छा माणेण मायाए लोभेण य कोहो भरिणयवो ते कोहं अमुंचता कोहं अमुंचता एवं सत्तावीसं
भंगा रोयव्वा। २. 'ता' प्रतौ-अतोने एवं सत्तावीसं भंगा
गतव्वा। ३. 'क', 'ब' प्रत्योः -अतोने एवं सत्तावीसं भंगा
गतव्वा । ४. 'अ' प्रती-अतोने एवं कोहे मारणेणं लोभेरणं
चत्तारि भंगा ८ एवं कोहेणं मायाए लोभेणं चत्तारि भंगा १२ अहवा कोहोवउत्ता माणोवउत्ते मायोवउत्ते लोभोवउत्ते १ अहवा कोहोव उत्ता मागोवउत्ते मायोवउत्ते लोभोवउत्ता २ अहवा कोहोवउत्ता माणोवउत्ते मायोवउत्ता लोभोवउत्तै ३ अहवा कोहोवउत्ता माणोवउत्ते मायोवरत्ता लोभोवउत्ता ४ अहवा कोहोव उत्ता मागोवउत्ता मायोवउत्ते लोभोवउत्ते ५ अहवा कोहोवउत्ता मागोवउत्ता मायोवउत्ते लोभोवउत्ता ६ अहवा कोहोवउत्ता माणोवउत्ता मायोवउत्ता लोभोवउत्ते य ७ अहवा कोहोवउत्ता मागोवउत्ता मायोवउत्ता लोभोवउत्ता ८ एवं सत्तावीसं भंगा गेयव्वा।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |