________________
८८६
समवाओ
३. एवं उडुविमाणे पण्णत्ते ॥ ४. ईसिपब्भारा णं पुढवी पण्णत्ता एवं चेव ।। ५. धम्मे णं अरहा पणयालीसं धणइं उड़ढं उच्चत्तेणं होत्था ॥ ६. मंदरस्स णं पव्वयस्स चउदिसिपि पणयालीसं-पणयालीसं जोयणसहस्साई
अबाहाते अंतरे पण्णत्ते ।। ७. सव्वेवि णं दिवड्डखेत्तिया नक्खत्ता पणयालीसं मुहुत्ते चंदेण सद्धि जोगं जोइंसु
वा जोइंति वा जोइस्संति वासंगहणी-गाहा
तिन्नेव उत्तराई, पुणव्वसू रोहिणी विसाहा य ।
एए छ नक्खत्ता, पणयालमुहुत्तसंजोगा ॥१॥ ८. महालियाए णं विमाणपविभत्तीए पंचमे वग्गे पणयालीसं उद्देसणकाला पण्णत्ता।
छायालीसइमो समवाओ १. दिट्टिवायस्स णं छायालीसं माउयापया पण्णत्ता॥ २. बंभीए णं लिवीए छायालीसं माउयक्खरा पण्णत्ता ।। ३. पमंजणस्स णं वातकुमारिंदस्स' छायालीसं भवणावाससयसहस्सा पण्णत्ता॥
सत्तचालीसइमो समवाओ १. जया णं सूरिए सव्वभंतरमंडलं उवसंकमित्ता णं चारं चरइ तया णं इहगयस्स
मणसस्स सत्तचत्तालीसं जोयणसहस्सेहिं दोहि य तेवहिं जोयणसएहि एक्क
वीसाए य सट्ठिभागेहिं जोयणस्स सूरिए चक्खुफासं हव्वमागच्छइ । २. थेरे णं अग्गिभूई सत्तालीसं' वासाइं अगारमज्झा' वसित्ता मुंडे भवित्ता' अगाराओ अणगारियं पव्वइए ।।
अडयालीसइमो समवाओ १. एगमेगस्स णं रण्णो चाउरंतचक्कवट्टिस्स अडयालीसं पट्टणसहस्सा पण्णत्ता ॥ २. धम्मस्स णं अरहओ अडयालीसं गणा अडयालीसं गणहरा होत्था ॥ ३. सूरमंडले णं अडयालीसं एकसट्ठिभागे जोयणस्स विक्खंभेणं पण्णत्ते ।।
१. वातस्स ° (ग); वाउ० (क्व)। २. सत्तयालीसं (क, ख)।
३. °मज्झे (क्व)। ४. भवित्ता णं (क, ख)।
Jain Education International
For Private & Personal Use Only
www.jainelibrary.org
