________________
८५४
७. एवं कत्तियाएवि पुण्णिमाए ॥
८. महासुक्के कप्पे चत्तालीसं विमाणावाससहस्सा पण्णत्ता ॥
एक्कचत्तालीसइमो समवाओ
१. नमिस्स णं अरहओ एक्कचत्तालीसं अज्जिया साहस्सीओ होत्था ॥ २. चउसु पुढवीसु एक्कचत्तालीसं निरयावाससय सहस्सा पण्णत्ता, तं जहा
रयणप्पभाए पंकप्पभाए तमाए तमतमाए ॥
३. महालियाए णं विमाणपविभत्तीए पढमे वग्गे एक्कचत्तालीसं उद्देसणकाला
पण्णत्ता ॥
बायालीसइमो समवाओ
१. समणे भगवं महावीरे बायालीसं वासाई साहियाई सामण्णपरियागं पाउणित्त सिद्धे' 'बुद्धे मुत्ते अंतगडे परिणिव्वुडे' सव्वदुक्खप्पही ||
२. जंबुद्दोवस्स णं दोवस्स पुरथिमिल्लाओ चरिमंताओ गोथूभस्स णं आवासपव्वयस पथिमिले चरिमंते, एस णं बायालीसं जोयणसहस्साइं अबाहाते' अंतरे' पण्णत्ते ||
समवाओ
३. एवं चउद्दिसि पि दओभासे संखे दयसीमे य ॥
४. कालोए णं समुद्दे बायालीसं चंदा जोइंसु वा जोइति वा जोइस्संति वा, बायासंसूरिया पभासिसु वा पभासिंति वा पभासिस्संति वा ।।
६.
५. संमुच्छिमभुयपरिसप्पाणं उक्कोसेणं बायालीसं वाससहस्साइं ठिई पण्णत्ता ॥ कम्मे बयालीसविहे पण्णत्ते, तं जहा - गइनामे जातिनामे सरीरनामे सरीरंगोवंगनामे सरीरबंधणनामे सरीरसंघायणनामे संघयणनामे संठाणनामे वण्णनामे गंधना मे रसनामे फासनामे अगरुयलहुयनामे उवघायनामे पराधायनामे आणुपुव्वीनामे उस्सासनामे आतवनामे उज्जोयनामे विहगगइनामे तसनामे थावरनामे सुहुमनामे बायरनामे पज्जत्तनामे अपज्जत्तनामे साधारणसरीरनामे पत्तेयसरीरनामे थिरनामे अथिरनामे सुभनामे असुभनामे सुभगनामे दूभगनामे सुसरनामे दुसरनामे आएज्जनामे अणाज्जनामे जसोकित्तिनामे अजसोकित्तिनामे निम्माणनामे तित्थकरनामे ||
७. लवणे णं समुद्दे बायालीसं नागसाहस्सीओ अभितरियं वेलं धारेंति ॥
१. सं० पा० - सिद्धे जाव सव्वदुक्ख • ।
२. आबाहते ( ख ) ; आबा हाते ( ग ), आबाधाते आबाहाए - अग्रे पिप्राय एवमेव लभ्यते ।
Jain Education International
३. अंतकरे ( क ) ।
४. X ( क ) ।
For Private & Personal Use Only
www.jainelibrary.org
