________________
६७०
समवाओ
१३. सोहम्मीसाणेसु कप्पेसु देवाणं अत्थेगइयाणं एगूणतीसं पलिओवमाइं ठिई
पण्णत्ता ॥ १४. उवरिम-मज्झिम-गेवेज्जयाणं देवाणं जहण्णेणं एगूणतीसं सागरोवमाइं ठिई
पण्णत्ता। १५. जे देवा उवरिम-हेट्ठिम-गेवेज्जयविमाणेसु देवत्ताए उववण्णा, तेसि णं देवाणं
उक्कोसेणं एगूणतीसं सागरोवमाइं ठिई पण्णत्ता॥ १६. ते णं देवा एगूणतीसाए अद्धमासेहिं आणमंति वा पाणमंति वा ऊससंति वा
नीससंति वा ॥ १७. तेसि णं देवाणं एगूणतीसाए वाससहस्सेहिं आहारटे समुप्पज्जइ ॥ १८. संतेगइया भवसिद्धिया जीवा, जे एगूणतीसाए भवग्गहणेहिं सिज्झिस्संति'
'बुझिस्संति मुच्चिस्संति परिनिव्वाइस्संति ° सव्वदुक्खाणमंतं करिस्संति ॥
तीसइमो समवाओ १. तीसं मोहणीयठाणा पण्णत्ता, तं जहासंगहणी-गाहा
जे यावि तसे पाणे, वारिमझे विगाहिया। उदएण क्कम्म मारेइ, महामोहं पकुव्वइ ॥१॥ सीसावेढेण' जे केई, आवेढेइ अभिक्खणं । तिव्वासुभसमायारे', महामोहं पकुव्वइ ॥२॥ पाणिणा संपिहित्ताणं, सोयमावरिय पाणिणं । अंतोनदंतं मारेई, महामोहं पकुव्वइ ॥३॥ जायतेयं समारब्भ, बहुं ओलंभिया जणं । अंतोधूमेण मारेई, महामोहं पकुव्वइ ॥४॥ सिस्सम्मि जे पहणइ, उत्तमंगम्मि चेयसा। विभज्ज मत्थयं फाले, महामोहं पकुव्वइ ॥५॥
१. सं० पा०–सिज्झिस्संति जाव सव्व- ४. यावत्करणात् केषुचित्सूत्रपुस्तकेषु शेषमोहदुक्खाण° ।
नीयस्थानाभिधानपरा: श्लोकाः सूचिताः, २. सीसो० (ग)।
केषुचित् दृश्यन्त एवेति ते व्याख्यायन्ते (वृ)। ३. तिव्वे असुभ° (क, ग)।
Jain Education International
For Private & Personal Use Only
www.jainelibrary.org
